ஐஸ்வர்யா ராய்க்கு விரைவில் கையில் ஆபரேஷன் | தங்கலான் படம் ரிலீஸ் பற்றிய புதிய தகவல் | மே.29ல் வெளியாகும் ‛மழை பிடிக்காத மனிதன்' பட டீசர் | ஆகஸ்ட்டில் துவங்கும் ஜூனியர் என்.டி.ஆர் - பிரசாந்த் நீல் படப்பிடிப்பு | கல்கி 2898 ஏடி - ரோபோவுக்கு டப்பிங் கொடுத்த கீர்த்தி சுரேஷ் | விஜய்க்கு ஜோடியாகும் சூர்யா பட நாயகி | திருவண்ணாமலை கோயிலில் நடிகை ரோஜா வழிபாடு | இனி, மாதம் ஒரு பெரிய படம் ரிலீஸ் உறுதி… | வெற்றிக் கோட்டைத் தொடுவாரா 'பி.டி. சார்' | சூரி பட விழாவிற்கு வரும் விஜய் சேதுபதி, சிவகார்த்திகேயன் |
தமிழ் திரையுலகில் முன்னணி நட்சத்திரங்களான விஜய், அஜித் ஆகியோர் தங்களது வாரிசுகளை குறிப்பாக பெண் குழந்தைகளை பெரும்பாலும் புகழ் வெளிச்சம் படாமல் வெளி உலகத்திற்கு காட்டாமல் வளர்த்து வருகிறார்கள். அதேசமயம் தெலுங்கு திரையுலகில் முன்னணி நடிகராக வலம் வரும் மகேஷ்பாபுவின் வாரிசுகள் அவ்வப்போது சோசியல் மீடியா மூலமாக மற்றும் திரைப்பட நிகழ்ச்சிகளில் கலந்து கொள்வதன் மூலமாக தங்களை பொதுவெளியில் வெளிப்படுத்திக் கொள்ள தயங்குவதில்லை. குறிப்பாக மகேஷ் பாபுவின் மகள் சித்தாரா அடிக்கடி சோசியல் மீடியாவில் தன் தந்தையுடன் இணைந்து எடுத்துக்கொண்ட புகைப்படங்களையும், வீடியோக்களையும் வெளியிட்டு வருவதை வாடிக்கையாகவே வைத்துள்ளார்.
இந்த நிலையில் தனது தந்தை மகேஷ்பாபு நடிப்பில் சமீபத்தில் வெளியான குண்டூர் காரம் படத்தை தனது தோழிகளுடன் தியேட்டருக்கு சென்று பார்த்து ரசித்துள்ளார் சித்தாரா. அப்போது குண்டூர் காரம் படத்தில் தன் தந்தை அணிந்து நடித்த சட்டையை அணிந்து சென்றார் சித்தாரா. படம் முடிந்து வெளியே வரும்போது ரசிகர்கள் குறிப்பாக குழந்தைகள் ஆவலாக அவருடன் இணைந்து புகைப்படம் எடுத்துக் கொண்டனர். இது குறித்த வீடியோ ஒன்று தற்போது சோசியல் மீடியாவின் வைரலாகி வருகிறது.