Dinamalar

ஆவேசம் பஹத் பாசில் பாணியில் ரிலீஸ் தேதியை அறிவித்த விஸ்வக் சென்

தெலுங்கு திரையுலகில் வளர்ந்து வரும் இளம் நடிகர் விஸ்வக் சென். கடந்த இரண்டு வருடங்களுக்கு முன்பு நடிகர் அர்ஜுன் இயக்கத்தின் தெலுங்கில் அவர் ஒரு படம் நடிப்பதாக ஒப்புக் கொண்டு கடைசி நேரத்தில் அவருடன் கருத்து வேறுபாடு ஏற்பட்டு படப்பிடிப்புக்கு வராமல் படத்திலிருந்து விலகிய நிகழ்வு பரபரப்பை ஏற்படுத்தியது. இந்தநிலையில் கடந்த மார்ச் மாதம் இவரது நடிப்பில் வெளியான காமி திரைப்படம் நல்ல வெற்றியை பெற்றது.

இதற்கிடையே கிருஷ்ண சைதன்யா இயக்கத்தில் கேங்ஸ் ஆப் கோதாவரி என்கிற படத்திலும் நடித்துள்ளார் விஸ்வக் சென். இந்த படத்திற்காக ஏற்கனவே மூன்று முறை ரிலீஸ் தேதி அறிவிக்கப்பட்டு ஒவ்வொரு முறையும் சில காரணங்களால் மீண்டும் ரிலீஸ் தேதி தள்ளி வைக்கப்பட்டது. இன்று கூட இந்த படம் ரிலீஸ் ஆவதாக அறிவிக்கப்பட்ட நிலையில் மீண்டும் மே 31ம் தேதிக்கு இந்த படத்தின் ரிலீஸ் தேதி மாற்றி வைக்கப்பட்டுள்ளது.

இந்த ரிலீஸ் தேதியை நடிகர் விஸ்வக் சென் வித்தியாசமான முறையில் ரசிகர்களுக்கு அறிவித்துள்ளார். அதாவது சமீபத்தில் மலையாளத்தில் வெளியான ஆவேசம் படத்தில் பஹத் பாசில் ஒரு தூணுக்கு பின்னால் நின்றுகொண்டு தூணில் இருபுறமும் தனது முகத்தை புன்னகையோடும் சீரியஸாகவும் மாற்றி மாற்றி காட்டுவார் அதே பாணியில் விஸ்வக் சென்னும் இந்த படத்தில் ஒவ்வொரு முறை ரிலீஸ் தேதி தள்ளிப் போனதையும், தற்போது புதிய ரிலீஸ் தேதி குறித்தும் அறிவித்துள்ளது ரசிகர்களிடையே வரவேற்பை பெற்றுள்ளது.

• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'

• 
  இலங்கை பார்லிமென்டில் சிறப்பு விருந்தினராக பங்கேற்ற மோகன்லால்
• 
  'மஞ்சும்மேல் பாய்ஸ்' தயாரிப்பாளருக்கு நீதிமன்றத்தில் ஆஜராக ஒரு வாரம் ...
• 
  பஹத் பாசிலின் 'கராத்தே சந்திரன்' துவங்குவது எப்போது?
• 
  கன்னடத்தில் அடி எடுத்து வைத்த 'அனிமல்' பட நடிகர் உபேந்திரா
• 
  'தி ராஜா சாப்' டீசரை விழிப்புணர்வு பிரச்சாரத்திற்கு பயன்படுத்திய ...