ஜனனி அய்யர் நடித்த மலையாளப் படம் மசிகா. இந்தப் படம் தமிழ் மற்றும் மலையாளத்திலும் வெளிவருகிறது. தமிழில் மஞ்சள் சிவப்பு கருப்பு என்று பெயர் வைத்திருக்கிறார்கள். ஒரு தலைவரை கொலை செய்ய ஒரு கொலைகாரன் அவரின் வீட்டுக்குள் நுழைகிறான். தலைவரை ஒரு விஷயமாக சந்திக்க ஒரு பெண்ணும் அந்த வீட்டுக்கு வருகிறார். இந்த மூவருக்கும் இடையில் நடக்கும் பிரச்சினை, போராட்டம்தான் கதை. தலைவரை கொல்ல வந்தவன் முயற்சிப்பதும் அது அந்த பெண்ணால் தடைபடுவதும் தான் படத்தின் கதை..
ஜனனி அய்யருடன் பசுபதியும் நடித்துள்ளார். கோபி சுந்தர் இசை அமைத்துள்ளார், ஜோமான் தோமஸ் ஒளிப்பதிவு செய்துள்ளார். ஜெயன்வன்னேரி இயக்கி உள்ளார். மன்னிகோத் புரொடக்ஷன் சார்பில் ராஜேஷ் குமார் தயாரித்துள்ளார். தமிழ், மலையாளத்தில் ஒரே நாளில் வெளிவருகிறது.