Dinamalar

'மார்கோ' பட வன்முறையை சகிக்க முடியாமல் அருகில் இருந்தவர்மேல் வாந்தி எடுத்த பெண்

மலையாளத்தில் குறிப்பிடத்தக்க இளம் முன்னணி நடிகராக வலம் வருபவர் நடிகர் உன்னி முகுந்தன். கடந்த சில மாதங்களுக்கு முன்பு தமிழில் சசிகுமார், சூரி நடித்த 'கருடா' படத்தில் வில்லனாக நடித்து பாராட்டுக்களை பெற்றவர். மலையாளத்தில் தொடர்ந்து கதாநாயகனாக நடித்து வரும் இவர், தற்போது 'மார்கோ' என்கிற படத்தில் நடித்துள்ளார். கடந்த சில நாட்களுக்கு முன்பு இந்த படம் வெளியானது. ஹனீப் அதேனி என்பவர் இந்தப்படத்தை இயக்கியுள்ளார்.

இந்த படம் அதிக அளவில் வன்முறை காட்சிகள் நிறைந்ததாக இருந்ததால் படத்திற்கு 'ஏ' சான்றிதழ் வழங்கப்பட்டது. குறிப்பாக இந்த படத்தில் ஏழு சண்டைக் காட்சிகள் இடம் பெற்றுள்ளன. ஏழுமே அதிகபட்ச வன்முறை காட்சிகளாக தான் வடிவமைக்கப்பட்டுள்ளன. இருந்தாலும் இந்த படம் பாசிட்டிவான விமர்சனங்களை பெற்று வரவேற்பை பெற்றுள்ளது.

அதே சமயம் பெண்களின் கூட்டம் இந்த படத்திற்கு குறைவாகவே இருக்கிறது. சமீபத்தில் இந்த படத்தை பார்த்த ரசிகர் ஒருவர் தனது சோசியல் மீடியா பக்கத்தில் படம் பார்த்தபோது தனக்கு நேர்ந்த தனது அனுபவத்தை எழுதியிருந்தார்.

அதில் அவர் கூறும்போது, “இந்த படத்தில் இடம்பெற்றுள்ள வன்முறை காட்சிகளை பார்க்கும்போது பாலிவுட்டின் அனிமல் மற்றும் கில் ஆகிய படங்கள் எல்லாம் எவ்வளவோ பரவாயில்லை என்று தோன்றியது. அந்த அளவிற்கு இதில் உச்சபட்ச வன்முறை. இப்படி வன்முறை கட்சிகள் நிறைந்த ஒரு படம் இதற்கு முன் வந்திருக்குமா என்பது சந்தேகம் தான். படத்தின் நாயகனை விட வில்லன் தான் ஹீரோ என்று சொல்லும் அளவிற்கு மிரட்டி இருக்கிறார்.

ரத்தம் தெறிக்கும் சண்டை காட்சிகள் நிறைய உண்டு. என் அருகில் அமர்ந்து படம் பார்த்துக் கொண்டிருந்த ஒரு பெண் ஒரு கட்டத்தில் இந்த காட்சிகளை பார்க்க சகிக்காமல் என் பக்கம் திரும்பி வாமிட் எடுத்து விட்டார் என்றால் பார்த்துக் கொள்ளுங்கள். பெரும்பாலும் குழந்தைகள், பெண்கள், பெரியவர்கள் இந்த படத்தை பார்க்காமல் இருப்பது நல்லது. ஆனால் ஆக்சன் விரும்பிகளுக்கு இது ஒரு நல்ல தீனி போடும் படம்” என்று கூறியுள்ளார்.

• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்
• 
  மலையாள படத்தின் ஹிந்தி ரீமேக் : இயக்குனர் மறைந்து ஒரு வருடம் கழித்து ...
• 
  மீண்டும் ஹிந்தியில் கீர்த்தி சுரேஷ்

• 
  பாகுபலி கதாசிரியரின் அறிவுறுத்தலின்படி கண்ணப்பாவில் மீண்டும் ...
• 
  பஸ் டிரைவர்களின் பல்லை உடைப்பேன் ; சுரேஷ்கோபி மகன் ஆவேசம்
• 
  தொடரும் படத்திற்காக தள்ளிவைக்கப்பட்ட மோகன்லாலின் சோட்டா மும்பை ரீ ...
• 
  உங்கள் அப்பாக்களுடனும் நடித்து உங்களுடனும் நடிப்பது ஆசீர்வாதம் தான் : ...
• 
  8 ஆண்டுகளாக நான் நினைத்ததை பேச சுதந்திரம் இல்லை : திலீப் வேதனை