Dinamalar

மோகன்லாலின் அலோன் படமும் ஓடிடி ரிலீஸ் தான்

கடந்த இரண்டு வருடங்களாக திரையுலகை பொறுத்தவரை கொரோனா தாக்கம் படப்பிடிப்பையும் படங்களின் வெளியீட்டையும் நிலைகுலையை வைத்தாலும் மலையாளத்தில் நடிகர் மோகன்லாலின் படங்கள் மட்டும் அடுத்தடுத்து ஓடிடி தளத்தில் வெளியாகி வந்தன. குறிப்பாக திரிஷ்யம்-2, ப்ரோ டாடி, சமீபத்தில் வெளியான டுவல்த் மேன் ஆகிய படங்கள் ஒடிடி தளத்தில் வெளியானாலும் ரசிகர்களின் வரவேற்பை பெற்று வெற்றி பெற்றன. அதேசமயம் மிகவும் எதிர்பார்க்கப்பட்ட அவரது படங்களான மரைக்கார் மற்றும் ஆராட்டு ஆகிய படங்கள் தியேட்டர்களில் வெளியானாலும் வரவேற்பை பெறத் தவறின.

இந்தநிலையில் மோகன்லால் நடிப்பில் அடுத்ததாக வெளியாக இருக்கும் படம் அலோன். நீண்ட நாளைக்கு பிறகு இயக்குனர் ஷாஜி கைலாஷ் டைரக்சனில் மோகன்லால் நடித்துள்ளார் என்பதால் இந்த படத்தை தியேட்டரில் பார்ப்பதற்காக ரசிகர்கள் ஆவலுடன் காத்திருந்தனர். ஆனால் இந்த படமும் ஓடிடி தளத்தில் தான் வெளியாக இருக்கிறது என்று சமீபத்தில் ஒரு பேட்டியில் இயக்குனர் ஷாஜி கைலாஷ் கூறியுள்ளார். படத்தின் டைட்டிலுக்கு ஏற்றபடி இந்த படத்தில் மோகன்லால் ஒருவர் மட்டுமே நடித்திருக்கிறார் என்று சொல்லப்படுவதால் தியேட்டர்களில் இந்தப்படத்தை திரையிட்டால் பெரிய வரவேற்பு கிடைக்க வாய்ப்பில்லை என்பதால் ஓடிடி தளத்திலேயே வெளியிட முடிவு செய்துள்ளதாக திரையுலக வட்டாரத்தில் பேசப்படுகிறது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!
• 
  அடூர் கோபாலகிருஷ்ணன் படத்தில் நடிக்காததால் தான் மோகன்லால் சூப்பர் ...
• 
  துல்கர் சல்மான் கார் பறிமுதல் விவகாரம் ; சுங்கத்துறைக்கு நீதிமன்றம் ...
• 
  இந்திய ராணுவ தலைமை தளபதி ஜெனரலை சந்தித்த மோகன்லால்
• 
  காந்தாரா கிராமத்தில் குடியேறுகிறார் ரிஷப் ஷெட்டி