Dinamalar

நாகார்ஜுனாவின் 100வது படத்தில் இணையும் நாகசைதன்யா - அகில்

என்றும் மார்க்கண்டேயன் என அழைக்கப்படுவதற்கு தகுதியான நபராக இப்போது வரை இளமை துள்ளலுடன் வளம் வருபவர் நடிகர் நாகார்ஜுனா. அவரது நடிப்பில் இந்த வருடம் ‛குபேரா, கூலி' என இரண்டு படங்கள் வெளியாகி வரவேற்பை பெற்றன. இந்த இரண்டு படங்களிலும் வில்லத்தனம் வாய்ந்த கதாபாத்திரத்தில் நாகார்ஜுனா நடித்திருந்தார். இந்த நிலையில் தற்போது அவரது நூறாவது படம் தற்காலிகமாக ‛கிங் 100' என தலைப்பிடப்பட்டு படப்பிடிப்பு துவங்க இருக்கிறது. நித்தம் ஒரு வானம், ஆகாசம் போன்ற படங்களை இயக்கிய தமிழ் இயக்குனர் ரா. கார்த்திக் இப்படத்தை இயக்குகிறார்.

இந்த நிலையில் இந்த படத்திற்கு ‛லாட்டரி கிங்' என டைட்டில் வைக்கப்பட இருப்பதாக ஒரு செய்தி, தெலுங்கு திரையுலகில் பரவி வருகிறது. அதுமட்டுமல்ல நாகார்ஜுனாவின் நூறாவது படம் என்பதால் இதில் அவரது மகன்களான நாகசைதன்யா மற்றும் அகில் இருவரும் சிறப்பு தோற்றத்தில் இணைந்து நடிக்க இருக்கிறார்கள் என்றும் சொல்லப்படுகிறது.

இதற்கு முன்பாக கடந்த சில வருடங்களுக்கு முன்பு ‛மனம்' என்கிற படத்தில் நாகார்ஜுனா அவரது தந்தை நாகேஸ்வர ராவ், மகன் நாகசைதன்யா மூவரும் இணைந்து நடித்திருந்தனர். ஒரே குடும்பத்தை சேர்ந்த மூன்று தலைமுறையினர் ஒரு படத்தில் நடித்திருப்பது சினிமா வரலாற்றில் முக்கிய பதிவாகவும் மாறி உள்ளது. அதேபோல தனது நூறாவது படத்தில் தனது இரண்டு மகன்களும் இடம் பெற வேண்டும் என நாகார்ஜுனா விரும்புகிறார் என்றும் சொல்லப்படுகிறது.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• செய்திகள்
• ஆல்பம்
• வந்த படங்கள்
• வரவிருக்கும் படங்கள்

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்
• 
  பெண்கள் அரசியல் கூட்டங்களுக்கு செல்லக்கூடாது: அம்பிகா அட்வைஸ்
• 
  நயன்தாரா வீட்டுக்கு வெடிகுண்டு மிரட்டல்
• 
  பிளாஷ்பேக்: மம்பட்டியான் பாணியில் உருவான 'கரிமேடு கருவாயன்'
• 
  பிளாஷ்பேக்: தமிழ், பெங்காலியில் உருவான படம்