நடிகரானார் கருணாஸின் மகன் கென்!

22 டிச, 2015 - 11:39 IST

0 கருத்துகள் கருத்தைப் பதிவு செய்ய

எழுத்தின் அளவு:

பாலா இயக்கிய நந்தா படத்தில் லொடுக்கு பாண்டி என்ற வேடத்தில் நடித்து பிரபலமானவர் கருணாஸ். தொடர்ந்து காமெடியனாக நடித்த அவர் ஒருகட்டத்தில் ஹீரோவாகவும் வளர்ந்தார். ஆனால் சில படங்கள் வெற்றி பெற்ற நிலையில், பின்னர் அவர் நடித்த படங்கள் தோல்வியடைந்ததால் இப்போது ஹீரோவாக நடிப்பதில் இருந்து விலகி, மீண்டும் காமெடியனாகியிருக்கிறார். அதோடு, அழகு குட்டி செல்லம் என்ற படத்தில் குணசித்ர நடிகராக நடித்திருக்கிறார். இந்த படத்தில் சில எமோஷனல் காட்சிகளில் அவர் மிகச்சிறப்பாக நடித்திருக்கிறாராம். அதோடு, இந்த மாதிரியான குணசித்ர வேடங்களைதான் நான் அதிகமாக விரும்புகிறேன். ஆனால் என்னை காமெடி கண்ணோட்டத்திலேயேதான் பார்க்கிறார்கள் என்றும் அந்த வேடத்தில் நடித்து முடித்ததும் சொன்னாராம் கருணாஸ்.

மேலும், இதே படத்தில் மொத்தம் 5 சிறுவர் - சிறுமியர்கள் நடித்துள்ளனர். அதில் கருணாஸின் மகன் கென்னும் ஒருவர். இப்படத்தில் அவர் ஒரு பாடலும் பாடியிருக்கிறாராம். இதுபற்றி கென் கூறுகையில், இந்த படத்தில் 5 சிறுவர்களில் நானும் ஒரு வேடத்தில் நடித்திருக்கிறேன். எங்களை நடிக்க வைக்க டைரக்டர் சார்லஸ் ரொம்ப கஷ்டப்பட்டார். ஆனால் எந்த டென்சனையும் எங்களிடம் காட்டிக்கொள்ளாமல் வேலை வாங்கினார். அதோடு படத்தில் நடித்தவர்களும் எங்களிடம் அன்பாக பழகினர். அதனால் படப்பிடிப்புக்கு போனது ஒரு பிக்னிக் போனது போல்தான் இருந்தது. எமோஷனலான கதை என்றாலும், படப்பிடிப்பு தளத்தில் நாங்கள் காமெடி செய்து கொண்டேயிருந்தோம். அதேசமயம், எல்லோருடைய உழைப்பையும் போட்டிருக்கிறோம். அதனால் இந்த அழகு குட்டி செல்லம் படமும் சூப்பராக வந்துள்ளது என்றார் கென்.

Karunas

Ken

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய