Dinamalar

பஹத் பாசில் பேசிய முத்து பட ரஜினி டயலாக் : தியேட்டரில் மிஸ் பண்ணிய ரசிகர்கள்

ரஜினிகாந்த் நடிப்பில் ஞானவேல் இயக்கத்தில் உருவான வேட்டையன் திரைப்படம் சமீபத்தில் வெளியானது. வெளியான தினத்தில் இருந்தே பாசிடிவான விமர்சனங்களை பெற்று ஒரு வெற்றிப் படமாக மாறியுள்ளது. இந்த படத்தில் அமிதாப் பச்சன், ராணா டகுபதி, பஹத் பாசில் உள்ளிட்ட பல நட்சத்திரங்கள் நடித்திருந்தாலும் ரஜினிக்கு அடுத்தபடியாக அனைவரையும் கவர்ந்தவர் என்றால் அது பஹத் பாசில் தான். படம் பார்த்து விட்டு வரும் அனைவருமே தவறாமல் பஹத்தின் நடிப்பு பற்றி குறிப்பிட்டு பாராட்டி வருகிறார்கள். ரஜினிக்கும் அவருக்குமான காட்சிகள் அனைத்துமே நகைச்சுவையாகவும் போரடிக்காத விதமாகவும் உருவாக்கப்பட்டிருந்தன.

இந்த நிலையில் இந்த படத்தில் நீளம் காரணமாக தூக்கப்பட்ட, தியேட்டரில் இடம் பெறாத பஹத் பாசில் நடித்த காட்சி ஒன்றை தயாரிப்பு நிறுவனம் சோசியல் மீடியாவில் வெளியிட்டுள்ளது. அதில் போலீஸ் அதிகாரியான ரித்திகா சிங்கிடம் சாப்பாடு ஆர்டர் பண்ணுங்க மேடம் என பஹத் சொல்ல, இந்த சூழலில் உனக்கு மட்டும் எப்படி பசிக்குது என பதிலுக்கு கோபமாக கேட்கிறார் ரித்திகா சிங். அதற்கு, “மேடம் இந்த பசி, பட்டினி, தூக்கம், இருமல், விக்கல், பணம் இதெல்லாம் எப்ப வரும்னு தெரியாது எப்ப போகும்னும் தெரியாது.. எச்சச்ச எச்சச்ச கெச்சச்ச கெச்சச்ச” என்று முத்து படத்தில் ரஜினி பேசி ஹிட்டான வசனத்தை ரித்திகாவிற்கு பதிலாக கொடுக்கிறார் பஹத் பாசில்.

இந்த காட்சியை இப்போது பார்த்து ரசித்து வரும் ரசிகர்கள் பலரும், இதை படத்தில் வைத்திருந்தால் தியேட்டரில் விசில் பறந்திருக்குமே இதை ஏனய்யா நீக்கினீர்கள் என்று கமெண்ட் தெரிவித்து வருகிறார்கள்.

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  ரோபோ சங்கர் நினைவாக குபேரர் கோவிலுக்கு ரோபோ யானையை பரிசளித்த நடிகர் ...
• 
  தீபாவளிக்கு 'கருப்பு' படத்தின் பர்ஸ்ட் சிங்கிள் வெளியாகிறது!
• 
  ஹாட்ரிக் அடிக்கிறாரா பிரதீப் ரங்கநாதன்
• 
  ராஜமவுலி தயாரிப்பில் பஹத் பாசில் புதிய பட படப்பிடிப்பு துவங்கியது!
• 
  'காந்தாரா சாப்டர் 1' ஹிட்: ஆன்மிக பயணம் செல்லும் ரிஷப் ஷெட்டி