Dinamalar

பாலியல் புகாரில் ஜாமின் மறுப்பு ; நடிகர் சித்திக் தலைமறைவு

கடந்த சில வாரங்களுக்கு முன்பு கேரளா அரசு வெளியிட்ட நீதிபதி ஹேமா கமிஷன் அறிக்கை, மலையாள திரை உலகில் கடந்த பல வருடங்களுக்கு மேலாக நடைபெற்று வரும் பாலியல் அத்துமீறல்கள் மற்றும் அதிகார மையமாக சேர்ந்து பிறரை வளர விடாமல் தடுப்பது உள்ளிட்ட பல பிரச்னைகளை வெளிக்கொண்டு வந்தது. இதனைத் தொடர்ந்து நடிகைகள் பலரும் பல பிரபல நடிகர்கள், இயக்குனர்களுடன் தாங்கள் சில வருடங்களுக்கு முன்பு எதிர்கொண்ட பாலியல் அத்துமீறல்கள் குறித்து காவல்துறையில் புகார் அளிக்க தொடங்கினர். அந்த வகையில் பிரபல குணச்சித்திர நடிகர்களான முகேஷ், சித்திக் உள்ளிட்டோர் மீது காவல்துறையினர் வழக்கு பதிவு செய்தனர். அந்த வகையில் நடிகர் முகேஷ் முன்ஜாமின் பெற்றிருந்த நிலையில் கைது நடவடிக்கையில் இருந்து தப்பினார்.

ஆனால் நடிகர் சித்திக்கின் ஜாமின் மனு கேரள உயர்நீதிமன்றத்தால் நிராகரிக்கப்பட்டது. இதனை தொடர்ந்து அவர் கைது செய்யப்படும் சூழல் உருவானது. இதனை அறிந்த சித்திக் தனது செல்போனை சுவிட்ச் ஆப் செய்து விட்டு தற்போது தலைமறைவாகி உள்ளார். போலீசார் அவர்மீது லுக் அவுட் நோட்டீஸ் வெளியிட்டு, அவரை தேடும் பணியில் ஈடுபட்டுள்ளனர். இன்னொரு பக்கம் உச்சநீதிமன்ற மூலமாக அவருக்கு ஜாமின் பெறுவதற்கான வேலைகளும் துவங்கியுள்ளன. அதன் முடிவை தொடர்ந்து சித்திக் வெளியே வருவார் என சொல்லப்படுகிறது. அதற்குள் போலீசார் அவரை கைது செய்வார்களா என பொறுத்திருந்து பார்ப்போம்.

• 
  பிரபாஸ் படத்தில் வில்லன்களாக நடிக்கும் பாலிவுட் நட்சத்திர தம்பதி
• 
  விவாகரத்து சர்ச்சைக்கு நிரந்தர முற்று புள்ளி வைத்த ஐஸ்வர்யா ராய்!
• 
  10 வயது குறைவு... 8 ஆண்டுகளுக்கு பின் மனகசப்பு : விவாகரத்து கேட்டு கமல் பட ...
• 
  படே மியான் சோட்டே மியான் - இயக்குனர் மீது தயாரிப்பாகர்கள் புகார்
• 
  மலையாள பாடல் பாடி மகளை தூங்க வைக்கும் ரன்பீர் கபூர்

• 
  நேரடியாக ஓடிடியில் வெளியான வரலட்சுமியின் தெலுங்கு படம்
• 
  72 நாட்கள் கழித்து சடலமாக மீட்கப்பட்ட அர்ஜூன் : மோகன்லால், மம்முட்டி, மஞ்சு ...
• 
  பாலியல் புகாரில் நகைச்சுவை நடிகர் கைதாகி ஜாமினில் விடுதலை
• 
  ஹேமா கமிஷன் பின்னணியில் உருவாகிறதா கேரளா ஸ்டோரி பார்ட் 2? ; இயக்குனர் ...
• 
  ரேணுகா சுவாமி கொலை வழக்கில் 3 பேருக்கு ஜாமின் ; தர்ஷனின் ஜாமீன் மனு ...