Dinamalar

பீம்லா நாயக் புகழ் இசைக்கலைஞர் பத்மஸ்ரீ மொகிலையா காலமானார்

கடந்த சில வருடங்களுக்கு முன்பு மலையாளத்தில் பிரித்விராஜ் நடிப்பில் வெளியான அய்யப்பனும் கோஷியும் திரைப்படம் மிகப்பெரிய வெற்றியை பெற்றது. பின்னர் அந்த படம் தெலுங்கில் பவன் கல்யாண், ராணா நடிப்பில் பீம்லா நாயக் என்கிற பெயரில் ரீமேக் செய்யப்பட்டு அங்கேயும் மிகப்பெரிய வெற்றியை பெற்றது. அய்யப்பனும் கோஷியும் படத்தில் நாட்டுப்புறப்பாடகி நஞ்சியம்மா என்பவர் அறிமுகப்படுத்தப்பட்டு அவர் பாடிய களக்காத்தா என்கிற பாடல் மிகப்பெரிய வரவேற்பு பெற்றது. அவருக்கு தேசிய விருதையும் பெற்றுக் கொடுத்தது.

அதேபோல பீம்லா நாயக் படத்திலும் நாட்டுப்புறப் பாடகரான தெலுங்கானாவைச் சேர்ந்த தர்ஷனம் மொகிலையா என்கிற நாட்டுப்புறப் பாடகரை அழைத்து வந்து பாட வைத்தார்கள். அந்த பாடலுக்கும் நல்ல வரவேற்பு கிடைத்தது. அதன் பயனாக அவருக்கு பத்மஸ்ரீ விருதும் கிடைத்தது. கின்னரா என்கிற நாட்டுப்புற வாத்தியத்தை வைத்து இசைப்பதில் இவர் வித்தகர். இந்த நிலையில் 73 வயதான மொகிலையா நேற்று உடல் நலக் குறைவு காரணமாக மரணம் அடைந்தார்.

கடந்த சில மாதங்களாகவே சிறுநீரகம் தொடர்பான பிரச்சனையால் அவதிப்பட்டு சிகிச்சை எடுத்து வந்த அவர் அது பலனளிக்காத நிலையில் உயிரிழந்துள்ளார். இவரது மருத்துவ சிகிச்சைக்கு பீம்லா நாயக் பட இயக்குனர் வேணு மற்றும் அவரது குழுவினரும் மாநில அரசாங்கமும் பல உதவிகளை செய்து வந்தது குறிப்பிடத்தக்கது. மொகிலையாவின் மறைவுக்கு ரசிகர்களும் திரையுலகை சேர்ந்தவர்களும் தங்களது இரங்கல்களை தெரிவித்துள்ளனர்.

• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2
• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...

• 
  காமெடி நடிகரின் சிறுநீரக மாற்று அறுவை சிகிச்சைக்கு 50 லட்சம் தர பிரபாஸ் ...
• 
  'தொடரும்' கெட்டப்பில் புரோமோ வீடியோவுடன் பிக்பாஸ் சீசன் 7 அறிவிப்பை ...
• 
  இயக்குனர் ரஞ்சித் மீதான பாலியல் குற்றச்சாட்டு வழக்கை தள்ளுபடி செய்த ...
• 
  என் படத்திற்கு ‛ஜானகி' டைட்டிலை அனுமதித்த சென்சார், சுரேஷ்கோபி படத்தை ...
• 
  மார்கோ 2 நிச்சயம் உருவாகும் : உன்னி முகுந்தன் விலகிய பிறகும் உறுதியாக ...