மலையாள திரைப்பட நடிகை மீனா கணேஷ் காலமானார்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

20 டிச, 2024 - 10:45 IST

எழுத்தின் அளவு:

பாலக்காடு : கேரள மாநிலம், பாலக்காடு மாவட்டம், ஷொரனூர் பகுதியைச் சேர்ந்தவர் மீனா கணேஷ், 81. மலையாளத் திரைப்பட நடிகையான இவர், உடல் நலம் பாதித்து, கடந்த ஐந்து நாட்களாக வாணியம்குளம் அருகே உள்ள தனியார் மருத்துவமனையில் சிகிச்சை பெற்று வந்தார். இந்நிலையில், சிகிச்சை பலனின்றி நேற்று அவர் உயிரிழந்தார். அவரது உடல், நேற்று மாலை ஷொரனூர் அருகே உள்ள 'சாந்திதீரம்' மயானத்தில் எரியூட்டப்பட்டது.

19வது வயதில் நாடகத்தில் நடிக்க துவங்கிய இவரின் முதல் மலையாளத் திரைப்படம், 1976ல் வெளிவந்த 'மணிமுழக்கம்' ஆகும். பல்வேறு நாடகங்களில் நடித்துள்ள இவர், 200க்கும் மேற்பட்ட மலையாள திரைப்படங்களில் நடித்துள்ளது குறிப்பிடத்தக்கது.

1991ல் 'முகசித்ரம்' என்ற மலையாளத் திரைப்படத்தில் இவர் நடித்த 'பாத்தும்மா' என்ற கதாபாத்திரம் மக்கள் மனதை வெகுவாக கவர்ந்தது.

இவரது கணவர் பிரபல மலையாள நாடக ஆசிரியரும், இயக்குனரும், நடிகருமான கணேஷ் என்பதும் குறிப்பிடத்தக்கது. தொலைக்காட்சி தொடர் இயக்குனர் மனோஜ், சங்கீதா ஆகியோர் இவர்களது வாரிசுகளாவர்.

Meenaganesh

RIPMeenaganesh

கருத்துகள் (0) கருத்தைப் பதிவு செய்ய

பிக்பாஸ் நிகழ்ச்சிக்காக விதவிதமாக ...

என்னுடன் கூட்டணி சேர்ந்த போதெல்லாம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய