Dinamalar

106 வயது 'இந்தியன்' தாத்தா : இயக்குனர் ஷங்கர் விளக்கம்

ஷங்கர் இயக்கத்தில் கமல்ஹாசன், சித்தார்த் மற்றும் பலர் நடித்துள்ள 'இந்தியன் 2' படத்தின் டிரைலர் நேற்று வெளியானது. படத்தின் டிரைலரில் கமல்ஹாசன் 'இந்தியன் தாத்தா' வேடத்தில் பல கெட்டப்புகளில் அசத்தியுள்ளார். பறந்து பறந்து சண்டையும் போடுகிறார்.

முதல் பாகமான 'இந்தியன்' படத்தில் சொன்ன அந்த 'இந்தியன் தாத்தா' கதாபாத்திரத்தின்படி தற்போது அவரது வயது 106. இத்தனை வயதைக் கடந்த ஒரு தாத்தா எப்படி சண்டை போட முடியும் என நேற்று மும்பையில் நடைபெற்ற பத்திரிகையாளர் சந்திப்பில் கேள்வி கேட்கப்பட்டது.

அதற்கு பதிலளித்த ஷங்கர், “சீனாவில் மார்ஷியல் ஆர்ட்ஸ் மாஸ்டர் ஒருவர் இருக்கிறார். அவரது பெயர் லூசி ஜியோன், அவரது வயது 106. அவர் இப்போது மார்ஷியல் ஆர்ட்ஸ் பயிற்சி மேற்கொள்கிறார். பறந்து அடிப்பார், கிக் செய்வார் எல்லாவிதமான சண்டைகளையும் செய்வார்.

அதுபோல இந்தியன் தாத்தா சேனாபதி கதாபாத்திரமும் ஒரு மாஸ்டர். வர்மக் கலையில் அவர் ஒரு மாஸ்டர். அவரது உணவுப்பழக்கத்தில் கட்டுப்பாடு கொண்டவர். யோகா, தியானம் ஆகியவற்றை தினமும் செய்யும் பழக்கம் கொண்டவர். ஒரு நாளைக்கு ஒரு முறைதான் சாப்பிடுவார். ஒழுக்கம், கட்டுப்பபாடு உங்களது கலையில் நீங்கள் மாஸ்டர் ஆக இருந்தால் வயது ஒரு தடையில்லை. நீங்கள் எந்தவிதமான சண்டையை வேண்டுமானால் செய்யலாம்,” எனக் கூறினார்.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  ஆர்யாவிற்கு ஜோடியாகும் அனுபமா பரமேஸ்வரன்!
• 
  'ஸ்பிரிட்' படத்தில் சிரஞ்சீவி? சந்தீப் ரெட்டி வங்காவின் பதில் இதோ!
• 
  கமல், ரஜினி இணையும் படம்: டிசம்பர் 12ல் அறிவிக்கப்படுமா?
• 
  எனக்கு கடவுள் நம்பிக்கை இல்லை: ராஜமவுலி பேச்சால் புது சர்ச்சை
• 
  கதைநாயகன் ஆனார் மொட்டை ராஜேந்திரன்: தனது பிடிவாதத்தை தளர்ப்பாரா?