Dinamalar

கருணாநிதி நூற்றாண்டு விழா : ரஜினி, கமலுக்கு நேரில் அழைப்பு

மறைந்த முன்னாள் முதல்வர் கருணாநிதியின் நூற்றாண்டு விழா இந்தாண்டு முழுக்க கொண்டாடப்படுகிறது. அதன் ஒரு பகுதியாக தமிழ் திரையுலகம் சார்பில் அவருக்கு விழா எடுத்து கொண்டாடப்படும் என சமீபத்தில் நடந்த தமிழ்த் திரைப்படத் தயாரிப்பாளர்கள் சங்கத்தின் கூட்டத்தில் தீர்மானம் நிறைவேற்றப்பட்டது.

தற்போது இந்த விழாவிற்கான ஏற்பாடுகள் துவங்கி உள்ளன. அதன் ஒருபகுதியாக திரையுலகினருக்கு அழைப்பு விடுக்கும் பணி நடக்கிறது. இன்று(நவ., 17) நடிகர் ரஜினிகாந்த்திற்கு நேரில் சென்று திரையுலகினர் அழைப்பு விடுத்தனர். தயாரிப்பாளர்கள் சங்கத்தின் தலைவர் என்.ராமசாமி, செயலாளர் ஆர்.ராதாகிருஷ்ணன், நடிகர் சங்க பொருளாளர் கார்த்தி, துணைத் தலைவர் பூச்சி முருகன் ஆகியோர் விழா குழு சார்பில் ரஜினியை நேரில் சென்று அழைத்தனர். ரஜினியும் நிச்சயம் வந்து கலந்து கொள்வதாக உறுதி அளித்துள்ளார்.

அதேப்போல் நடிகர் கமல்ஹாசனுக்கும் இந்த விழாவில் பங்கேற்க அழைப்பு விடுக்கப்பட்டுள்ளது. முரளி ராமசாமி, ஆர் கே செல்வமணி, நாசர், பூச்சி முருகன் மற்றும் ராதாகிருஷ்ணன் ஆகியோர் நேரில் சென்று அழைப்பு விடுத்தனர்.

படப்பிடிப்பு ரத்து
தமிழ் திரையுலகம் சார்பில் டிசம்பர் 24ம் தேதி, சென்னை சேப்பாக்கம் மைதானத்தில் இந்த விழா நடைபெறுகிறது. விழாவிற்காக டிச 23, 24 ஆகிய தேதிகளில் தமிழ் படப்பிடிப்பு ரத்து செய்யப்பட்டுள்ளது.

• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது

• 
  நாகார்ஜூனா ரசிகையாக கை தட்டியதில் நானும் ஒருவர்! - அமலா அக்கினேனி
• 
  இயக்குனராக கென் கருணாஸ் : அதிகாரப்பூர்வ அறிவிப்பு
• 
  ரஜினி, சுந்தர்.சி கூட்டணியில் புதிய படம்?
• 
  தீபாவளி பண்டிகையையொட்டி ரசிகர்களுக்கு 'டபுள் ட்ரீட்': இந்த வார ஓடிடி ...
• 
  பிரபாஸ் பிறந்தநாளில் ரசிகர்களுக்கு இரட்டை விருந்து