Dinamalar

ஆகஸ்ட் 4ல், சிறிய படங்கள் மட்டுமே வெளியீடு

2023ம் ஆண்டின் ஏழு மாதங்கள் நேற்றோடு முடிந்துவிட்டது. அடுத்த ஐந்து மாதங்கள் தமிழ் சினிமாவில் முக்கியமான மாதங்கள் என்று சொல்லலாம். மாதத்திற்கு ஒரு பெரிய படமாவது வெளியாவது உறுதி என்ற நிலை உள்ளது.

இந்த ஆகஸ்ட் மாதம் 10ம் தேதி ரஜினிகாந்த் நடிக்கும் 'ஜெயிலர்' படம், செப்டம்பர் மாதம் 'சந்திரமுகி 2, மார்க் ஆண்டனி', அக்டோபர் மாதம் 'லியோ', நவம்பர் மாதம் 'அயலான், ஜிகர்தண்டா 2, ஜப்பான்' டிசம்பர் மாதம் 'கேப்டன் மில்லர்' என சில முக்கிய படங்கள் அணிவகுத்து நிற்கின்றன. அவற்றிற்கிடையில் எந்த வாரத்தில் கொஞ்சம் வழி கிடைக்கிறதோ அங்கு தங்களது படங்களை வெளியிட சிறிய படங்களின் தயாரிப்பாளர்களும், இரண்டாம், மூன்றாம் கட்ட நடிகர்களின் படங்களைத் தயாரித்துள்ளவர்களும் வெளியிட்டாக வேண்டும்.

அடுத்த வாரம் 'ஜெயிலர்' வர உள்ள நிலையில் இந்த வாரத்திலேயே குறிப்பிடும்படியான படங்கள் எதுவும் வரவில்லை. “பிரியமுடன் ப்ரியா, சான்றிதழ், லாக்டவுன் டைரி, வெப், கல்லறை” ஆகிய படங்கள் ஆகஸ்ட் 4ம் தேதி வெளியாக உள்ளதாக அறிவிக்கப்பட்டுள்ளன. இவற்றில் 'வெப்' படத்தின் நடிகரான 'நட்டி' மட்டுமே ரசிகர்களுக்குத் தெரிந்த முகம். முன்னணி நடிகர்களின் படங்களுக்கு மட்டுமே தியேட்டர்களுக்கு வரும் ரசிகர்கள் இந்த சிறிய படங்களுக்கும் ஆதரவு தருவார்களா என்பது யோசனைக்குரியது.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  வெற்றிக்காக ஏங்கும் நயன், விக்கி
• 
  25வது ஆண்டில் அடியெடுத்து வைக்கும் அஜித்தின் 'சிட்டிசன்'
• 
  ரவி மோகன் படத்தலைப்பு ‛ப்ரோ கோட்' : நான்கு ஹீரோயின்கள்
• 
  விஜய் மில்டன் படத்தில் சுனில்
• 
  'முத்த மழை' சர்ச்சை பற்றி எதுவும் பேசாத தீ