Dinamalar

4 மாதங்களில் 4 படம் ரிலீஸ் : தமிழில் வலுவாக காலூன்றும் சுனில்

தெலுங்கு திரையுலகில் முன்னணி காமெடி நடிகராக வலம் வந்தவர் நடிகர் சுனில். 2010ல் ராஜமவுலி இயக்கத்தில் வெளியான மரியாத ராமண்ணா என்கிற படத்தில் கதாநாயகனாக மாறிய பின் இவரது திரையுலக வாழ்க்கையும் எதிர்பாராத விதமாக திசை மாறிவிட்டது. அதாவது அதற்கு முன்பாக வருடத்திற்கு 25 படங்களுக்கு குறையாமல் நடித்து வந்த சுனில், மரியாத ராமண்ணா படத்தில் ஹீரோவாக நடித்த பிறகு அதற்கு அடுத்து வந்த பத்து வருடங்களில் மொத்தமே 25 படங்களில் மட்டுமே நடித்தார். அவர் ஹீரோவாக நடித்து விட்டதால் பெரிய அளவில் நகைச்சுவை கதாபாத்திரங்கள் அவரை தேடி வரவில்லை.

இந்த நிலையில் தான் கடந்த இரண்டு வருடங்களுக்கு முன்பு தெலுங்கில் அல்லு அர்ஜுனன் நடிப்பில் வெளியான புஷ்பா படத்தில் வில்லனாக வித்தியாசமான தோற்றத்தில் நடித்து இருந்தார் சுனில். இந்த படம் மூலம் அவருக்கு ரசிகர்களிடம் மிகப்பெரிய வரவேற்பு கிடைத்தது. அதைத் தொடர்ந்து மீண்டும் அவரது திரையுலக பயணம் வில்லன், குணச்சித்திர நடிகர் என மீண்டும் பிஸியாக மாறியது. இதில் ஆச்சரியம் என்னவென்றால் தெலுங்கை விட தமிழில் தான் அதிக அளவு படங்களில் நடித்து வருகிறார் சுனில்.

அந்த வகையில் இந்த ஜூலை மாதம் சிவகார்த்திகேயனுடன் இவர் இணைந்து நடித்துள்ள மாவீரன் ரிலீஸ் ஆகிறது. ஆகஸ்டில் ரஜினிகாந்த்துடன் நடித்துள்ள ஜெயிலர், செப்டம்பரில் விஷாலுடன் நடித்துள்ள மார்க் ஆண்டனி, அக்டோபரில் கார்த்தியுடன் நடித்த ஜப்பான் என அடுத்தடுத்த மாதங்களில் சுனில் நடித்துள்ள நான்கு படங்கள் வரிசையாக ரிலீஸாக இருக்கின்றன. நான்குமே பெரிய படங்கள் என்பதால் இந்த படங்களில் கிடைக்கும் வரவேற்பை தொடர்ந்து தமிழ் சினிமாவில் சுனில் நிரந்தரமாக ஒரு இடத்தை பிடிப்பார் என தெரிகிறது.

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்

• 
  ஜுன் 5, 6ல் 4 படங்கள் ரிலீஸ்
• 
  கன்னட, தமிழ் விவகாரம் : கமல் மன்னிப்பு கேட்டால் என்ன...? : 2:30 மணி வரை கெடு ...
• 
  சினிமாவில் பிஸி, அதேசமயம்... கார்த்தியின் மறுபக்கம்
• 
  ஜூலை 11ல் அனுஷ்காவின் 'காதி' ரிலீஸ்
• 
  இளையராஜாவை வாழ்த்தாத சினிமா பிரபலங்கள்