Dinamalar

யு டியூப் தளத்தில் 'டாப் வியூஸ்' பெற்ற தமிழ் பாடல்கள் : ஒரு ரீவைண்ட்…!

யு டியூப் தளம் ரசிகர்களிடம் பிரபலமான பிறகு அதில் வெளியாகும் பாடல்களில் எது அதிகமான பார்வைகளைப் பெறுகிறதோ அதுதான் சூப்பர் ஹிட் என்ற ஒரு கணக்கு இன்றைய ரசிகர்களிடம் இருக்கிறது. யு டியூப் பற்றி அதிகம் பிரபலப்படுத்திய பாடல் என 'ஒய் திஸ் கொலவெறி' பாடலைத்தான் சொல்ல வேண்டும்.

தமிழ் சினிமாவைக் கடந்து இந்திய அளவில் ஏன் உலக அளவில் கூட அப்பாடல் பிரபலமானது. அதன் பின்னர்தான் டீசர், டிரைலர், முதல் சிங்கிள், லிரிக் வீடியோ, முழு வீடியோ என ஆரம்பித்து இன்று டீசருக்கு டீசர், க்ளிம்ப்ஸ் வீடியோ, இன்ட்ரோ வீடியோ என என்னென்னமோ வீடியோக்கள் வந்து கொண்டிருக்கின்றன. அவரவர் விருப்பத்திற்கு ஒரு பெயரை வைத்து வீடியோக்களை ரிலீஸ் செய்து கொண்டிருக்கிறார்கள்.

கடந்த பத்து, பதினைந்து ஆண்டுகளில் யு டியூப் தளத்தில் வெளியான பாடல்களை எடுத்துக் கொண்டால் அதிகமான பார்வைகளைப் பெற்று முதலிடத்தில் இருக்கும் பாடல் 'ரவுடி பேபி' பாடல். யுவன் ஷங்கர் ராஜா இசையில் தனுஷ் எழுதி தீ-யுடன் இணைந்து பாடிய அப்பாடல் 1,685 மில்லியன் பார்வைகளை இதுவரை பெற்றுள்ளது.

அதற்கடுத்து அனிருத் இசையில், 'பீஸ்ட்' படத்தின் 'அரபிக்குத்து' முழு வீடியோ பாடல் தற்போது 727 மில்லியன் பார்வைகளைக் கடந்து இரண்டாவது இடத்தில் உள்ளது. மூன்றாவது இடத்தில் 'எனிமி' படத்தில் தமன் இசையில் 'டம் டம்' பாடல் 577 மில்லியன்களுடன் உள்ளது. 'மாஸ்டர்' படத்தில் அனிருத் இசையில் 'வாத்தி கம்மிங்' வீடியோ பாடல் 550 மில்லியன் பார்வைகளுடன் 4வது இடத்தில் உள்ளது. அனிருத் இசையில் தனுஷ் எழுதி பாடிய யு டியூப் பிரபலமானதற்குக் காரணமான 'ஒய் திஸ் கொலவெறி' பாடல் 535 மில்லியன் பார்வைகளுடன் 5வது இடத்தில் உள்ளது.

தமிழ் சினிமாவில் இதுவரையில் சுமார் 60க்கும் மேற்பட்ட பாடல்கள் யூ டியூப் தளத்தில் 100 மில்லியன் பார்வைகளைக் கடந்துள்ளன.

• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...

• 
  பிளாஷ்பேக் : தமிழில் ஹீரோவாக நடித்த விஷ்ணுவர்தன்
• 
  பிளாஷ்பேக் : சிவாஜி பட தலைப்பில் நடித்த எம்.ஜி.ஆர்
• 
  குறுக்கு வழியில் முன்னேறும்போது 4 வருடம் போராடி ஜெயித்துள்ளேன் : புதுமுக ...
• 
  ஹரிஹர வீரமல்லு - எந்த 'கட்'டும் இல்லாமல் ‛யு/ஏ' சான்று
• 
  ‛புதிய பயணம்...' : ரஜினியை நேரில் சந்தித்து வாழ்த்து பெற்ற கமல்ஹாசன்