Dinamalar

'ரவுடி பேபி' சாதனையை முறியடித்த ''அரபிக்குத்து'

யு டியூப் பிரபலமான பின் அதில் வெளியாகும் படங்களின் டீசர், டிரைலர், பாடல்கள் ஆகியவை படைக்கும் புதுப்புது சாதனைகள் படங்களுக்கு மிகப் பெரிய இலவச விளம்பரமாக அமைகின்றன.

தமிழ் சினிமா பாடல்களில் முதன் முதலாக அனிருத் இசையமைத்து தனுஷ் எழுதி பாடிய 'ஒய் திஸ் கொலவெறி' பாடல் யு டியூபில் முதன் முதலில் 100 மில்லியன் பார்வைகள் சாதனையைப் படைத்தது. அதற்குப் பிறகுதான் யு டியுபை இந்தியத் திரையுலகினர் அதிகமாகப் பயன்படுத்த ஆரம்பித்தனர். இந்தப் பாடலுக்குப் பிறகு பல பாடல்கள் 100 மில்லியன் சாதனையைப் படைத்தன.

ஆனால், 'மாரி 2' படத்தில் யுவன்ஷங்கர் ராஜா இசையமைப்பில், தனுஷ் எழுதி, தீ--யுடன் இணைந்து பாடிய 'ரவுடி பேபி' பாடல் வெறும் 16 நாட்களில் 100 மில்லியன் பார்வைகள் என்ற புதிய சாதைனையை படைத்தது. அதற்குப் பிறகு பல சூப்பர் ஹிட் பாடல்கள் வந்தாலும் அந்த சாதனை முறியடிக்கப்படாமல் இருந்தது.

இந்நிலையில் அனிருத் இசையமைப்பில், சிவகார்த்திகேயன் எழுதி, அனிருத், ஜோனிதா காந்தி பாடிய 'அரபிக்குத்து' பாடல் 12 நாட்களில் 100 மில்லியன் பார்வைகளைப் பெற்று புதிய சாதனையைப் படைத்துள்ளது.

'ரவுடி பேபி' பாடல் யு டியூபில் வெளியாகி கடந்த மூன்று வருடங்களில் 1300 மில்லியன் பார்வைகளைப் பெற்று தென்னிந்தியத் திரையுலகத்தின் முதல் அதிகப் பார்வை பாடல் என்ற பெருமையுடன் உள்ளது. இந்த சாதனையை வேறு எந்தப் பாடலாவது முறியடிக்க முடியுமா என்பது எதிர்காலத்தில்தான் தெரியும்.

• 
  ‛லால் சிங் சத்தா' படத்திற்கு எதிராக எழுந்த குரல் : வருத்தம் தெரிவித்த ...
• 
  டிரெண்ட் ஆகும் சிவன் பாடல்
• 
  இன்னும் 'ஆர்ஆர்ஆர்' படம் பார்க்கவில்லை : அதிர்ச்சி தந்த ஆமீர்கான்
• 
  மராட்டிய மொழி படத்தில் ஷான்வி
• 
  தாய்மைக்குப் பின் முதல் முறையாக புகைப்படங்களைப் பதிவிட்ட ஆலியா பட்

• 
  ‛பொன்னியின் செல்வன்' பாடல் வெளியீட்டு விழாவில் ரஜினி, கமல்
• 
  தீவிர உடற்பயிற்சியில் ஐஸ்வர்யா ரஜினி
• 
  ரஜினியின் ‛ஜெயிலர்' படப்பிடிப்பு துவங்கியதாக தகவல்
• 
  செப்டம்பர் 9ல் வெளியாகும் அமலாவின் கணம்
• 
  நான் பாடிய பாடலை அதிதி ஷங்கர் பாடியதால் எந்த வருத்தமும் இல்லை : பாடகி ...