பேட்ரியாட் படத்தை திரையிடுவதில் கேரள திரையரங்குகள் திடீர் போர்க்கொடி

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

07 மார், 2026 - 05:43 IST

எழுத்தின் அளவு:

மலையாளத்தில் முன்னணி நட்சத்திரங்களாக இருக்கும் மோகன்லால், மம்முட்டி இருவரும் கிட்டத்தட்ட 13 வருடங்களுக்கு பிறகு இணைந்து நடிக்கும் படம் பேட்ரியாட். இவர்களை தவிர பஹத் பாசில், குஞ்சாக்கோ போபன் மற்றும் நயன்தாரா உள்ளிட்ட இன்னும் பல முன்னணி நட்சத்திரங்கள் இணைந்து நடித்துள்ளனர். விஸ்வரூபம் பட எடிட்டரும் டேக் ஆப், மாலிக் உள்ளிட்ட படங்களின் இயக்குனருமான மகேஷ் நாராயணன் இயக்கியுள்ளார், மம்முட்டியின் ஆஸ்தான தயாரிப்பாளரான ஆண்ட்டோ ஜோசப் தயாரித்துள்ளார். வரும் ஏப்ரல் 27ஆம் தேதி படம் வெளியாக இருக்கிறது.

இந்த நிலையில் திடீரென கேரளா திரையரங்க உரிமையாளர்கள் மற்றும் விநியோகஸ்தர்கள் சங்க கூட்டமைப்பு இந்த படத்தை தியேட்டரில் திரையிட திடீர் எதிர்ப்பு தெரிவித்துள்ளனர். அதாவது வழக்கமாக கேரளாவில் இப்படி பெரிய படம் வெளியாகும்போது முதல் வாரம் தயாரிப்பாளருக்கு வசூலில் 60% தொகையும் இரண்டாவது வாரம் 55% மூன்றாவது வாரம் 50% என கொடுப்பதுதான் வழக்கம். ஆனால் பேட்ரியாட் பட தயாரிப்பாளரோ முதல் இரண்டு வாரங்களுக்கும் வசூலில் 60% பங்குத் தொகையாக கேட்கிறாராம்.

இதனால் தங்களுக்கு மிகப்பெரிய பாதிப்பு என கருதிய கேரள திரையரங்கு உரிமையாளர்கள் மற்றும் விநியோகஸ்தர்கள் கூட்டமைப்பு இந்த படத்தைத் திரையிட திடீர் எதிர்ப்பு தெரிவித்துள்ளது. ரிலீஸுக்கு இன்னும் கிட்டத்தட்ட 50 நாட்கள் இருப்பதாலும் மம்முட்டியின் நிழல் போன்ற ஒருவர்தான் தயாரிப்பாளர் என்பதாலும் இந்த பிரச்சனை விரைவில் சரி செய்யப்படும் என்று எதிர்பார்க்கப்படுகிறது.

Patriot

Mammootty

Mohanlal

பேட்ரியாட்

மம்முட்டி

மோகன்லால்

கருத்துகள் (0) கருத்தைப் பதிவு செய்ய

மீண்டும் சிரஞ்சீவி படத்திற்கு ...

கலாபவன் மணியின் கனவை நனவாக்கிய மகள்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய