Dinamalar

ஒருவேளை ராம்சரண் படம் வெளியானால்.. ? தில் ராஜு போட்ட கண்டிஷன்

தெலுங்கில் விஜய் தேவரகொண்டா வளர்ந்து வந்த காலகட்டத்தில் அவரை வைத்து பெல்லி சூப்புலு என்கிற படத்தை இயக்கியவர் தருண் பாஸ்கர். படங்களை இயக்கிக் கொண்டே இன்னொரு பக்கம் நடிகராகவும் சின்ன சின்ன கதாபாத்திரங்களில் நடித்து வந்தார். தற்போது இவர் கதையின் நாயகனாக நடித்துள்ள காயப்பட்ட சிம்ஹம் படம் வரும் மே 1ம் தேதி ரிலீஸ் ஆக இருக்கிறது. இந்த படத்தை பிரபல தயாரிப்பாளர் தில் ராஜு வெளியிடுகிறார். இந்த நிலையில் இந்த படத்தின் புரமோஷன் நிகழ்ச்சியில் பேசிய தில் ராஜூ இந்த படத்தை ரிலீஸ் செய்வதற்கான ஒரு கண்டிஷனையும் வெளிப்படையாகவே தெரிவித்தார்.

அதாவது ஏப்ரல் 30ம் தேதி ராம்சரண் நடித்துள்ள பெத்தி திரைப்படம் வெளியாவதாக அறிவிக்கப்பட்டுள்ளது. இருப்பினும் அந்த படம் தள்ளிப் போக வாய்ப்பு இருக்கிறது என்றும் தற்போது ஒரு பேச்சு உலா வருகிறது. அதை முன்னிட்டு தான் இந்த காயப்பட்ட சிம்ஹம் படத்தின் ரிலீஸ் தேதியை மே 1ம் தேதி திட்டமிட்டு இருக்கிறேன்.

ஒருவேளை பெத்தி படம் குறித்தபடி ஏப்ரல் 30ம் தேதி வெளியாவது உறுதி என்றால் மே 1ஆம் தேதி காயப்பட்ட சிம்ஹம் படத்தை வெளியிட மாட்டேன். காரணம் திரையரங்குகள் எதிர்பார்த்தபடி கிடைக்காது. ஒரு வாரம் கழித்து தான் இந்த படத்தை திரையிடுவேன். அதனால் இந்த படம் மே ஒன்றாம் தேதி வெளியாகும் என பெரிதாக எதிர்பார்ப்பு வைத்துக் கொள்ளாதீர்கள்” என்று படக்குழுவினருக்கு முன்னெச்சரிக்கையாக கூறியுள்ளார் தில் ராஜூ..

• 
  60 வயதில் மூன்றாவது திருமணம் : அமீர்கானை விமர்சிக்கும் ரசிகர்கள்
• 
  பிகினி தோற்றம் : கிரித்தி சனோன் வெளியிட்ட தகவல்
• 
  'மாம் 2' படப்பிடிப்பில் குஷி கபூரின் நடிப்பால் அதிருப்தியில் ...
• 
  சத்ரபதி சிவாஜி டீசர்ட் அணிந்து நடனமாடியதற்கு மன்னிப்பு கேட்ட ...
• 
  ஒரு ரூபாய் கூட வாங்காமல் கங்கனாவுக்கு டைட்டிலை விட்டுக்கொடுத்த ஜான் ...

• 
  மீண்டும் வெப் சீரிஸில் நடிக்கும் நாகசைதன்யா
• 
  ஒருவர் சம்பாதித்தால் போதும் ; மகனின் மனோபாவம் குறித்து மோகன்லால் ...
• 
  'திரிஷ்யம்' நடிகையின் புகாரை விசாரிக்க ஐவர் குழு அமைத்த ஸ்வேதா மேனன்
• 
  கேரளாவில் ரீ ரிலீஸாகும் அல்லு அர்ஜுனின் 'ஹேப்பி'
• 
  நடிகர் சங்க முழு நிர்வாகமும் பதவி விலக வேண்டும் - மாலா பார்வதி ஆவேசம்