Dinamalar

'வலிமை' பின்னணி இசை : ஜிப்ரானை வாழ்த்திய யுவன்

வினோத் இயக்கத்தில், அஜித் நடித்து கடந்த வாரம் வெளிவந்த படம் 'வலிமை'. இப்படத்திற்கு இசையமைப்பாளர் யுவன். அவர் இசையமைத்த மூன்று பாடல்கள் மற்றும் விசில் தீம் மியுசிக், தி இன்டன்ஸ் ஆப் பயர் தீம் ஆகியவை யு டியூபில் வெளியிடப்பட்டன. படத்தின் டீசருக்கும் யுவன்தான் இசையமைத்திருந்தார். ஆனால், வலிமை டிரைலர் வெளியான போது அதற்கு இசையமைத்தது யார் என்ற கேள்வி எழுந்தது.

படத்திற்குப் பின்னணி இசையை யுவன் அமைக்கவில்லை. இசையமைப்பாளர் ஜிப்ரான் தான் அமைத்து வருகிறார் என்ற தகவல் வெளியானது. ஆனால், படம் வெளியான பிறகு வரை படத்தின் பின்னணி இசையமைப்பாளர் யார் என்ற தகவலை படக்குழுவினர் வெளியிடவில்லை. எந்த விளம்பரங்களிலும் ஜிப்ரான் பெயர் இடம் பெறவில்லை. படத்தின் டைட்டிலில் கூட 'நன்றி ஜிப்ரான்' என்று மட்டுமே போட்டிருந்தனர். இரு தினங்களுக்கு முன்பு படத்தின் தயாரிப்பாளர் போனி கபூர் அளித்த ஒரு வீடியோ பேட்டியில் கூட அதற்குக் குழப்பமான பதில் ஒன்றையே தந்திருந்தார்.

இந்நிலையில் யுவன் ஷங்கர்ராஜா, ''வலிமை' படத்தின் பின்னணி இசை சிறப்பு ஜிப்ரான்” என அவருக்கு வாழ்த்து சொல்லி டுவீட் போட்டிருந்தார். மேலும், ”படத்தின் பாடல்களுக்கும், என்னுடைய ஒரிஜனல் விசில் தீம் மியூசிக்கிற்கும் அன்பையும் பாராட்டுக்களையும் தந்த அஜித்குமார் ரசிகர்கள், என்னுடைய ரசிகர்கள் ஆகியோருக்கு மனமார்ந்த நன்றிகள்,” என்றும் தெரிவித்திருந்தார்.

இதன் மூலம் பின்னணி இசை யார் என்ற சர்ச்சைக்கு யுவனே முற்றுப்புள்ளி வைத்துவிட்டார். அவருடைய டுவிட்டர் பதிவில் யுவனின் ரசிகர்கள் பலர் படத்தில் யுவனின் பின்னணி இசை இடம் பெறாதது குறித்து தங்களது கவலைகளை பகிர்ந்து கொண்டுள்ளனர். யுவனின் வாழ்த்துக்கு ஜிப்ரான் இன்னும் எந்த நன்றியும் தெரிவிக்கவில்லை, படக்குழுவினரும் எதுவும் சொல்லாமல் அமைதி காத்து வருகின்றனர்.

யுவன்ஷங்கர் ராஜா திரையுலகிற்கு வந்து 25 ஆண்டுகள் நிறைவடைந்ததை முன்னிட்டு இன்று மாலை பத்திரிகையாளர்களை சந்திக்கிறார். அப்போது 'வலிமை' விவகாரம் குறித்தும், விஜய்யை சில வாரங்களுக்கு முன்பு சந்தித்தது குறித்தும், அவர் என்ன பேசப் போகிறார் என்பதைக் கேட்க ரசிகர்களும் ஆவலுடன் காத்திருக்கிறார்கள்.

• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது

• 
  சிவகார்த்திகேயன் 24வது படம் தள்ளிப்போகிறதா?
• 
  தனுஷ் 54வது படத்தில் இணைந்தது குறித்து பிரித்வி பாண்டியராஜன் நெகிழ்ச்சி!
• 
  'லியோ'வில் என்னை வீணாக்கினார் லோகேஷ் : சஞ்சய் தத் கமெண்ட்
• 
  68 வயதில் 3 நடிகைகளுடன் டான்ஸ் : கெட்ட ஆட்டம் போட்ட மொட்ட ராஜேந்திரன்
• 
  ஆடி வெள்ளி ரீமேக்கில் நயன்தாராவுக்கு பதில் திரிஷா