Dinamalar

23 நாளில் படப்பிடிப்பு... ரூ.25 லட்சத்தில் படம் : வியக்க வைக்கும் ‛மாயக்கூத்து'

ஏ.ஆர்.ராகவேந்திரன் இயக்கத்தில் நாகராஜன் கண்ணன், காயத்ரி, ஐஸ்வர்யா உள்ளிட்டோர் நடித்து, வெளியாகி உள்ள படம் 'மாயக்கூத்து'. ஒரு எழுத்தாளர் தொடர்கதை எழுதுகிறார். அந்த கதையில் வரும் கேரக்டர்கள் திடீரென உயிர் பெற்று, அந்த எழுத்தாளர் வீடு தேடி வருகின்றன. அதன்பின் என்ன நடக்கிறது என்பது மாயக்கூத்து படத்தின் கதை.

திரையரங்குகளில் வெளியாகி வெற்றிகரமாக ஓடிக்கொண்டிருக்கும் இந்த படத்தின் பட்ஜெட் ரூ.25 லட்சம் ரூபாய்தான் எனக் கூறி, சினிமா ஆட்களை மட்டுமல்ல, ரசிகர்களையும் ஆச்சரியப்பட வைக்கின்றனர் படக்குழுவினர். இவ்வளவு குறைந்த பட்ஜெட்டில் எப்படி படம் எடுத்தனர் என படக்குழுவினர் பகிர்ந்து கொண்டுள்ளனர்.

இந்த உலகத்தில் ஏன் நமக்கு எல்லாம் கெடுதல் நடக்கிறது? அதற்கு காரணம் என்ன? கடவுள் ஏன் நம்மை தண்டிக்கிறார்? இப்படியான கேள்விகள் தான் தன்னை இப்படி ஒரு கதையை யோசிக்க வைத்ததாக சொல்கிறார் படத்தின் இயக்குனரான ஏ.ஆர்.ராகவேந்திரன். இயக்குனர் மற்றும் அவரது நண்பர்கள் இணைந்து இப்படத்தை மிக குறைந்த செலவில் எடுக்க திட்டமிட்டனர். அதற்கு ஏற்றபடி பட்ஜெட் போட்டு, நடிகர், நடிகைகள், லோகேஷன்கள் என ஒவ்வொன்றையும் பார்த்து, பார்த்து தேர்வு செய்து படப்பிடிப்பை நடத்தியுள்ளனர். ஒருநாள் இரவு படப்பிடிப்புக்கு 1 லட்சம் வரை செலவு செய்துள்ளனர். இந்தப்படத்தின் ஒட்டுமொத்த படப்பிடிப்பும் 23 நாட்களில் எடுத்து முடிக்கப்பட்டுள்ளது.

என்னதான் படம் எடுத்து முடித்தாலும் அதனை வெளியிட மிகப்பெரிய போராட்டம் நடந்தது. 3 ஆண்டுகள் வரை நடந்த நீண்ட போராட்டத்திற்கு பிறகே திரையரங்கிற்கு படத்தை கொண்டு வந்துள்ளனர். தற்போது படம் பார்த்த பத்திரிக்கையாளர்கள், விமர்சகர்கள் மற்றும் ரசிகர்கள் தரும் பாராட்டுகள் தாங்கள் 3 ஆண்டு கஷ்டத்திற்கு பலன் அளித்திருப்பதாக படக்குழுவினர் தெரிவித்துள்ளனர்.

• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...
• 
  சுதந்திர போராட்ட வீரர்களை போற்றும் 'பஹேலி கீத் 2' பாடல்: முகேஷ் கன்னா ...
• 
  திரிஷ்யம்-2 தயாரிப்பாளர் மீது பண மோசடி வழக்கு ; தள்ளுபடி செய்ய ...

• 
  ஒரே இரவில் இரண்டு விருதுகள்: மாளவிகா மோகனன் மகிழ்ச்சி
• 
  விக்ரம் 65வது படத்தை இயக்கும் ‛பார்க்கிங்' இயக்குனர்
• 
  நாகார்ஜுனா Vs ஜுனியர் என்டிஆர் - கூடுதல் பலத்தைக் கொடுக்கப் போவது யார் ?
• 
  சீக்கிரம் சசி உடன் மீண்டும் ஒரு படம் : விஜய் ஆண்டனி
• 
  இப்பவே கூலி ரூ.200 கோடி லாபமா...?