Dinamalar

மோகன்லாலை இயக்கும் ஆவேசம் பட இயக்குனர்

சமீபகாலமாக மலையாளத்தில் சின்ன பட்ஜெட்டில் வெளியாகும் படங்கள் 50 கோடி, 100 கோடி என வசூலித்து பெரிய அளவில் ஆச்சரியத்தை ஏற்படுத்தி வருகின்றன. இதில் இந்த பட இயக்குனர்களுக்கு உடனடியாக மிகப்பெரிய புகழ் கிடைப்பதுடன் இந்த படத்தின் வெற்றியே அடுத்தடுத்து அவர்களுக்கு மிகப்பெரிய ஹீரோக்களை இயக்கும் வாய்ப்பையும் தானாகவே தேடிக் கொண்டு வந்து விடுகின்றன. அப்படித்தான் ரோமாஞ்சம் என்கிற ஹாரர் காமெடி படத்தை இயக்கியவர் இயக்குனர் ஜித்து மாதவன். அந்த படத்தில் அறிமுகமில்லாத நடிகர்களை வைத்து ஹிட் கொடுத்து 100 கோடி வசூல் கிளப்பில் அந்த படத்தை சேர்த்தார்.

அதன் பயனாக அவருக்கு இரண்டாவது படத்திலேயே நடிகர் பஹத் பாசிலை வைத்து ஆவேசம் என்கிற படத்தை இயக்கும் வாய்ப்பு தேடி வந்தது. அந்த வாய்ப்பையும் சரியாக பயன்படுத்தி வெற்றி படமாக மாற்றியதுடன் அந்த படத்தை பற்றி தென்னிந்திய அளவில் பேசவும் வைத்து விட்டார். இந்த நிலையில் ஆவேசம் படத்தின் வெற்றி இவருக்கு அடுத்ததாக மோகன்லால் படத்தை இயக்கும் வாய்ப்பையும் தானாகவே கொண்டு வந்து சேர்த்துள்ளது. கிட்டத்தட்ட இது உறுதியாகிவிட்ட தகவல் என்றே சொல்லப்படுகிறது. இந்த படத்தை மலையாள திரையுலகின் பிரபலமான கோகுலம் பிலிம்ஸ் தயாரிக்க இருக்கிறது.

தற்போது மோகன்லால் நடிப்பில் அவரது 360 படமாக 'தொடரும்' என்கிற படம் படப்பிடிப்பு முடிந்து ரிலீஸுக்கு தயாராகி வருகிறது. இந்த படத்தின் இயக்குனர் தருண் மூர்த்தியும் அதற்கு முன்னதாக ஆபரேஷன் ஜாவா என்கிற ஹிட் படத்தை கொடுத்திருந்தார். அதிலும் சின்ன நடிகர்கள் தான் நடித்திருந்தார்கள். அந்த படத்தின் வெற்றிதான் மோகன்லாலின் படத்தை அடுத்ததாக இயக்கும் வாய்ப்பை அவருக்கு தேடி கொடுத்தது. இப்படி அறிமுக இயக்குநர்கள் முதல் படத்தில் தங்களது திறமையை காட்டினால், அதற்கடுத்து மிகப்பெரிய வாய்ப்பு அவர்களுக்கு கண்முன்னே இருக்கிறது என்பதைத்தான் இந்த இரண்டு இயக்குனர்களின் வெற்றிகளும் நமக்கு உணர்த்துகின்றன.

• 
  வருண் தவானுக்கு ஜோடியாகும் பூஜா ஹெக்டே
• 
  மும்பையில் பரோஸ் டிரைலர் வெளியீடு : சிறப்பு விருந்தினராக பங்கேற்ற அக்ஷய் ...
• 
  துல்கர் சல்மான், விஜய் தேவரகொண்டாவுடன் பாடகி ஜஸ்லீன் ராயல்
• 
  தமன்னா பட நடிகர் கடத்தப்பட்டு 12 மணி நேரம் சித்ரவதை ; சாமர்த்தியமாக ...
• 
  நான் பத்தாம் வகுப்பு பெயில் - கத்ரீனா கைப்

• 
  யார் கல்லெறிந்தாலும் கவலை இல்லை, கடவுள் எனக்கு பேசுவதற்கு ஒரு வாய்ப்பு ...
• 
  கூண்டோடு விலகிய நடிகர் சங்க நிர்வாகிகளை அழைத்து மெகா நிகழ்ச்சி நடத்தும் ...
• 
  நடிகை கடத்தல் வழக்கில் நடிகர் திலீப் சிறை செல்ல காரணமாக இருந்த இயக்குநர் ...
• 
  பாலியல் வழக்கில் இயக்குனர் பாலச்சந்திர மேனனுக்கு முன் ஜாமின் வழங்கிய ...
• 
  பாலியல் சித்ரவதை வழக்கு ; விரைவில் நீதி கேட்டு ஜனாதிபதிக்கு கடிதம் எழுதிய ...