Dinamalar

கூண்டோடு விலகிய நடிகர் சங்க நிர்வாகிகளை அழைத்து மெகா நிகழ்ச்சி நடத்தும் சுரேஷ் கோபி

கடந்த சில மாதங்களுக்கு முன்பு மலையாள திரையுலகில் நீதிபதி ஹேமா கமிஷன் அறிக்கை வெளியாகி மிகப்பெரிய பரபரப்பை ஏற்படுத்தியது. நடிகைகள் பலரும் பிரபல நடிகர்கள், இயக்குனர்கள் மீதான குற்றச்சாட்டுகளை அடுக்கடுக்காக சுமத்திய போது, அறிக்கை வெளியான சில நாட்களுக்கு நடிகர் சங்கம் எந்த கருத்தும் சொல்லாமல் அமைதி காத்தது.

நடிகர் சங்கத்தை சேர்ந்த சில நிர்வாகிகளே இதுபோன்று பாலியல் புகார்களுக்கு ஆளானது அதிர்ச்சி அளித்தது. இதைத் தொடர்ந்து நடிகர் சங்கத் தலைவரான மோகன்லால் தனது தலைமையிலான சங்க நிர்வாகிகள் அனைவருடன் சேர்ந்து கூண்டோடு ராஜினாமா செய்தார். புதிய நிர்வாக குழு மீண்டும் தேர்தல் வைத்து தேர்ந்தெடுக்கப்படும் என்றும், தான் மீண்டும் சங்கத் தலைமைக்கு போட்டியிடப் போவதில்லை என்றும் கூட அவர் கூறியிருந்தார்.

இந்த நிலையில் நடிகரும், அமைச்சருமான சுரேஷ் கோபி இப்படி கூண்டோடு விலகிய நிர்வாகிகள் மற்றும் அவர்களது குடும்பத்தினர் அனைவரையும் அழைத்து ஒரு கெட் டுகெதர் பார்ட்டி நடத்த இருக்கிறார். வரும் ஜனவரி-5ஆம் தேதி கொச்சியில் உள்ள இந்தூர் ஸ்டேடியத்தில் இது ஒரு மெகா விழாவாக நடைபெற இருக்கிறது. இந்த நிகழ்வில் மோகன்லாலும் மம்முட்டியும் கலந்து கொள்ள இருக்கின்றனர். மலையாள திரை உலகில் தாங்கள் எப்போதும் ஒற்றுமையாக இருக்கிறோம் என்றும் அரசியல் ரீதியாகவும் சங்கத்திற்கு ஆதரவு இருக்கும் என்று தெரியப்படுத்தும் விதமாக சுரேஷ் கோபி இந்த கெட் டு கெதர் நிகழ்வை நடத்த உள்ளதாக சொல்லப்படுகிறது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை
• 
  எங்களைப் பொறுத்தவரை உபேந்திரா தெலுங்கின் சூப்பர் ஹீரோ தான் : ராம் ...
• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்