Dinamalar

கிறிஸ்டோபர் நோலனின் ‛ஆபன்ஹெய்மர்' முதல் டிரைலர் வெளியீடு ; அடுத்தாண்டு ஜூலையில் படம் ரிலீஸ்

ஹாலிவுட்டின் பிரபல இயக்குனர் கிறிஸ்டோபர் நோலன். ‛பேட்மேன்' வரிசை படங்களை எடுத்து அசத்தியவர். ‛இன்சப்சன்', இன்டர்ஸ்டெல்லர், டன்கிரீன் போன்ற வித்தியாச படைப்புகளை தந்த இவர் கடந்த 2020ல் ‛டெனட்' என்ற படத்தை எடுத்திருந்தார். தற்போது ‛ஆபன்ஹெய்மர்' என்ற படத்தை இயக்கி வருகிறார்.

இயற்பியல் விஞ்ஞானி ஆன ஜே.ராபர்ட் ஆபன்ஹெய்மரின் வாழ்க்கையை தழுவி இந்த படம் எடுக்கப்பட்டுள்ளது. முதல் அணு ஆயுதம், டிரினிட்டி சோதனையை தலைமை ஏற்று இவர் தான் நடத்தினார். 1940 காலக்கட்டத்தில் நடந்த நிகழ்வுகளை வைத்து இந்த படம் உருவாகிறது. அவரது வேடத்தில் கில்லியன் மர்பி நடித்துள்ளார். அவருடன் எமிலி பிளன்ட், ராபர்ட் டவுனி ஜூனியர், மேட் டேமன், ரமி மலேக் உள்ளிட்ட பலர் நடித்துள்ளனர். தற்போது இதன் முதல் டிரைலர் வெளியாகி உள்ளது.

முதன்முதலில் மிகப்பெரிய அணு ஆயத சோதனை நடத்தப்படுவது, அதற்காக ஆபன்ஹெய்மர் உட்பட விஞ்ஞானிகள் குழு தயாராவது. அந்த சோதனையை நடத்த முயல்வது ஆகியவற்றை தொடர்புப்படுத்தி இந்த டிரைலர் வெளியிடப்பட்டுள்ளது. வெளியான 6 மணிரேத்தில் 2.7 மில்லியனுக்கு அதிகமானபேர் பார்த்துள்ளனர். அடுத்தாண்டு ஜூலை 21ல் உலகம் முழுக்க படம் வெளியாவதாகவும் டிரைலரில் குறிப்பிடப்பட்டுள்ளது.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  எனக்கு கடவுள் நம்பிக்கை இல்லை: ராஜமவுலி பேச்சால் புது சர்ச்சை
• 
  கதைநாயகன் ஆனார் மொட்டை ராஜேந்திரன்: தனது பிடிவாதத்தை தளர்ப்பாரா?
• 
  எங்கள் மண வாழ்க்கை ரகசியம் - 'சரிம்மா, சாரிம்மா': நடிகை ரோஜா
• 
  ஆஸ்கருக்கு செல்லும் 2 தமிழ் படங்கள்
• 
  8 வருடங்களுக்கு பிறகு தமிழ் திரையில் ருஹானி சர்மா