Dinamalar

பராசக்தி பட வைரவிழா! ஜனவரி 6ம்தேதி மதுரையில் நடக்கிறது!

நடிகர் திலகம் சிவாஜிகணேசன் அறிமுகமான பராசக்தி படத்தின் வைர விழாவை ரசிகர்கள் வருகிற ஜனவரி 6ம்தேதி மதுரையில் கொண்டாடுகின்றனர். பராசக்தி படம் 1952ல் தீபாவளிக்கு வெளியானது. சிவாஜி ஜோடியாக பண்டரிபாய் நடித்தார். எஸ்.எஸ். ராஜேந்திரனும் இப்படத்தில்தான் அறிமுகமானார். கிருஷ்ணன், பஞ்சு இயக்கினார். பராசக்தியில் இடம் பெற்ற ஒரு பெண்ணின் மனதை தொட்டு போறவரே, ஓ ரசிக்கும் சீமானே, காகா காகா போன்ற இனிமையான பாடல்கள் இடம் பெற்றன.

கருணாநிதி இப்படத்துக்கு வசனம் எழுதியதுடன் முதல் தடவையாக பாடல்களும் எழுதினார். சிவாஜி இப்படத்தில் நடிக்க ரூ.250 சம்பளம் பெற்றார். பராசக்தியில் சிவாஜி பேசிய முதல் வசனமே சக்சஸ். இதில் வரும் கோர்ட் காட்சிகள் அப்போது திரையுலகையே கலக்கின. கவிஞர் கண்ணதாசன் நீதிபதியாக திரையில் அறிமுகமான முதல் படமும் இது. தமிழகத்தில் 10 தியேட்டர்களில் 100 நாட்களும் 60 தியேட்டர்களில் 50 நாட்களும் ஓடின. 2593 இருக்கைகள் கொண்ட ஆசியாவின் பெரிய திரையரங்கமான மதுரை தங்கம் தியேட்டரில் முதலில் திரையிடப்பட்ட படம் பராசக்தி. கதை, வசனம் இசை தட்டாகவும் புத்தமாகவும் வந்த சமூக படமும் இதுவாகும்.

கொழும்பில் 294 நாட்களும், யாழ்ப்பானத்தில் 116 நாட்களும் ஓடி முதல் முதல் வெளிநாட்டில் வெள்ளி விழா கண்ட படம் என்ற பெயரையும் பெற்றது. பராசக்தி வந்து 60 ஆண்டுகள் ஆவதை தொடர்ந்து வருகிற 6ம்தேதி மதுரையில் இதன் வைர விழாவை ரசிகர்கள் நடத்த உள்ளதாக சிவாஜி சமுக நல பேரவை தலைவர் சந்திரசேகரன் அறிவித்து உள்ளார். தமிழகம் முழுவதிலும் இருந்து சிவாஜி ரசிகர்கள் விழாவுக்கு வரவிருக்கிறார்களாம்.

• செய்திகள்
• வரவிருக்கும் படங்கள்

• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்

• 
  ஜுலை 4ல் 6 படங்கள் ரிலீஸ்
• 
  2025ன் 6 மாதங்களில் 122 படங்கள் ரிலீஸ்
• 
  விமர்சனம் என்ற பெயரில் சினிமாவை கொலை செய்யும் யூடியூபர்கள்: சுசீந்திரன் ...
• 
  இரண்டேகால் படம் : விமல் சொன்ன புதுக்கணக்கு
• 
  அனிமல் படம் குறித்த விமர்சனத்திற்கு ராஷ்மிகா கொடுத்த பதிலடி