தலிபான்கள் ஒன்றும் இந்தப்பகுதியை ஆளவில்லையே? : கொந்தளிக்கும் சுரேஷ் கோபி பட இயக்குனர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

27 ஜூன், 2025 - 12:38 IST

எழுத்தின் அளவு:

மலையாளத்தில் பிரபல நடிகரும், தற்போதைய மத்திய இணைய அமைச்சராக பொறுப்பு வகிப்பவருமான சுரேஷ் கோபி நடிப்பில் நீண்ட இடைவெளிக்கு பிறகு உருவாகியுள்ள படம் ஜேஎஸ்கே (ஜானகி Vs ஸ்டேட் ஆப் கேரளா) இந்த படம் இன்று (ஜூன் 27) ரிலீஸ் செய்யப்படுவதாக அறிவிக்கப்பட்டிருந்தது. ஆனால் இந்த படம் சில நாட்களுக்கு முன்பு சென்சாருக்கு அனுப்பப்பட்டு யு/ஏ சான்றிதழும் பெற்ற நிலையில் படத்தின் டைட்டிலில் இடம் பெறும் ஜானகி என்கிற பெயரை நீக்கினால் தான் சென்சார் சான்றிதழ் தர முடியும் என சென்சார் அதிகாரிகள் வலியுறுத்தி உள்ளனராம். ஆனால் அதை எழுத்துப்பூர்வமாக கொடுக்காமல் வாய்மொழியாக கூறியுள்ளனர். படத்தின் பெயரை மாற்ற விரும்பாமல் தற்போது மறு தணிக்கைக்காக ஜேஎஸ்கே படக்குழுவினர் ரிவைசிங் கமிட்டிக்கு இந்த படத்தை அனுப்பி வைத்துள்ளனர்.

இதுகுறித்து படத்தின் இயக்குனர் பிரவீன் நாராயணன் தனது சோசியல் மீடியா பதிவில் கூறும்போது, “இந்த படத்தில் எந்த ஒரு மதத்தின் பெயரையோ கடவுளையோ புண்படுத்தும் விதமாக காட்சிகள் எதுவும் இடம்பெறவில்லை. அப்படி இருந்தால் சென்சாரில் எப்படி எங்களுக்கு எந்த வெட்டும் இல்லாமல் படத்தை திரையிட சம்மதித்திருப்பார்கள். அவர்களுக்கு ஜானகி என்கிற பெயரை பாதிக்கப்பட்ட ஒரு பெண்ணின் பெயராக பட டைட்டிலில் வைக்கக்கூடாது என்பதுதான் எண்ணம். திரைப்படங்களுக்கு கடவுள்களின் பெயர்களை வைக்கக்கூடாது என்று கூறுவதற்கு இங்கே ஒன்றும் தலிபான்கள் ஆட்சி செய்யவில்லையே?” என்று காட்டமாக கேள்வி எழுப்பி உள்ளார்.

Sureshgopi

JSKfilm

கருத்துகள் (0) கருத்தைப் பதிவு செய்ய

மோகன்லாலுடன் வாக்குவாதம் செய்தேனா? : ...

ஜிஎஸ்டி சோதனை பற்றி விஷ்ணு மஞ்சு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய