Dinamalar

கண்ணப்பாவில் மோகன்லாலின் கிராதா தோற்றம் வெளியானது

தெலுங்கு திரையுலகின் பிரபல நடிகரான மோகன்பாபுவின் மகன் விஷ்ணு மஞ்சு தற்போது 'கண்ணப்பா' என்கிற புராண படத்தில் கதாநாயகனாக நடித்து வருகிறார். மிகுந்த பொருட்செலவில் தயாராகும் இந்த படத்தை நடிகர் மோகன்பாபு தயாரித்து வருகிறார். முகேஷ் குமார் சிங் என்பவர் இந்த படத்தை இயக்குகிறார். இந்த படத்தை பான் இந்தியா லெவலில் வெளியிடும் விதமாக மலையாளத்திலிருந்து மோகன்லால், ஹிந்தியில் இருந்து அக்ஷய் குமார், தெலுங்கில் இருந்து பிரபாஸ், கன்னடத்தில் இருந்து சிவராஜ் குமார் என மொழிக்கு ஒரு பிரபலமாக இந்த படத்தில் ஆளுக்கு ஒரு முக்கிய கதாபாத்திரங்களை கொடுத்து உள்ளே அழைத்து வந்துள்ளனர்.

அந்த வகையில் மோகன்லால் இந்த படத்தில் கிராதா என்கிற ஒரு கதாபாத்திரத்தில் நடிக்கிறார். படக்குழுவினர் மோகன்லாலின் வித்தியாசமான தோற்றத்துடன் கூடிய பர்ஸ்ட்லுக் போஸ்டரை தற்போது வெளியிட்டுள்ளனர். அதில் “பாசுபதாஸ்திரத்தின் ஏகாதிபதி.. வெற்றி பெற்றவர்களை வென்றவர்.. காடுகளின் வீரமிக்க கிராதா” என்று அவரைப் பற்றிய ஒரு மாஸான அறிமுகமும் கொடுத்துள்ளனர். இந்த போஸ்டரை பார்க்கும்போது மோகன்லால் இதுவரை நடித்த படங்கள் எதிலும் இதுபோன்ற ஒரு தோற்றத்தில் நடித்ததில்லை என்பதை எளிதாக உணர முடிகிறது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை
• 
  எங்களைப் பொறுத்தவரை உபேந்திரா தெலுங்கின் சூப்பர் ஹீரோ தான் : ராம் ...
• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்