Dinamalar

சிவராஜ்குமாரையும் விட்டு வைக்காத ‛காவாலா' டான்ஸ்

நெல்சன் திலீப்குமார் தற்போது ரஜினிகாந்த்தை வைத்து இயக்கியுள்ள தனது நான்காவது படம் ‛ஜெயிலர்'. நான்கு படங்களிலும் அனிருத் தான் தொடர்ந்து இசையமைத்து வருகிறார். நான்கு படங்களிலும் ஏதோ ஒரு பாடல் ரசிகர்களை ஆட்டிப்படைக்கும் பாடலாக வெளியாகி விடுவது நெல்சனுக்கு கிடைத்த ஜாக்பாட் என்று சொல்லலாம். அந்த வகையில் ஜெயிலர் திரைப்படத்தில் இடம் பெற்றுள்ள காவாலா என்கிற பாடலும் அதற்கு தமன்னா ஆடும் வித்தியாசமான நடன அசைவுகளுடன் கூடிய நடனமும் 6 முதல் 60 வயது உள்ளவர்களையும் வசிகரித்துள்ளது. இதுவரை வெளியான பாடல்களிலேயே அதிக அளவில் ரீல்ஸ் வீடியோக்கள் வெளியாகி இருக்கும் பாடல் என்றால் அது இதுவாகத்தான் இருக்கும்.

ரசிகர்கள் மட்டுமல்லாது திரையுலக பிரபலங்கள் பலரும் இந்த பாடலுக்கு நடனமாடி வீடியோக்கள் வெளியிட்டு வருகின்றனர். இந்த நிலையில் இந்த படத்தில் மிக முக்கியமான வேடத்தில் நடித்துள்ள கன்னட நடிகர் சிவராஜ்குமாரையும் இந்த காவாலா ஜுரம் விட்டு வைக்கவில்லை. சமீபத்திய ஒரு பேட்டியின்போது தொகுப்பாளர் கேட்டுக்கொண்டதற்கு இணங்க சில நொடிகள் காவலா பட பாடல் ஸ்டெப்ஸ் ஆடிக்காட்டி அசத்தினார் சிவராஜ்குமார். ஆனாலும் இந்த நடனம் தமன்னாவுக்கு தான் மிக பொருத்தமாக இருக்கும் என்று தனது பாராட்டுகளையும் தமன்னாவிற்கு அவர் தெரியப்படுத்தினார்.

• 
  பாலிவுட்டில் அடுத்த வாய்ப்பு : தாக்கு பிடிப்பாரா கீர்த்தி சுரேஷ்
• 
  'ஸ்லம்டாக் மில்லியனர்' மூலம் இப்போதும் ராயல்டி பெறும் அனில் கபூர்
• 
  'மாத்ருபூமி' ஆக மாறிய 'பேட்டில் ஆப் கல்வான்'
• 
  முன்பதிவில் 120 கோடி வசூல் கடந்த 'துரந்தர் 2'
• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...

• 
  ‛ஆடுஜீவிதம்' இயக்குனர் மகன் திருமணத்தில் கலந்து கொண்ட மோகன்லால் ...
• 
  தெலுங்கானா டிக்கெட் கட்டண உயர்வு : தடையை நீக்கிய உச்சநீதிமன்றம்
• 
  மம்முட்டிக்கு ஒரு நியாயம், சாதாரண நடிகருக்கு ஒரு நியாயமா ? : முதல்வர் மீது ...
• 
  பாலகிருஷ்ணாவுடன் செல்பி எடுக்க பயப்படும் ‛காந்தாரா' ஒளிப்பதிவாளர்
• 
  மகேஷ் பாபு ரசிகர்களிடம் மன்னிப்பு கேட்ட பவன் கல்யாண் பட இயக்குனர்