உறவினர்கள் எதிர்ப்பால் தயங்கிய நயன்தாரா : தைரியமூட்டிய சீனியர் இயக்குனர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

06 மே, 2022 - 11:37 IST

எழுத்தின் அளவு:

கடந்த 20 வருடங்களாக திரையுலகில் நடிகைகளின் நம்பர் ஒன் இடத்தில் நின்று தனது ஆளுமையை செலுத்தி வருகிறார் நடிகை நயன்தாரா. இவர் முதல்முதலாக அறிமுகமானது மலையாளத்தில் மனசினக்கரே என்கிற படத்தில் தான். ஜெயராம் கதாநாயகனாக நடித்த இந்தப்படத்தை பிரபல இயக்குனர் சத்யன் அந்திக்காடு இயக்கியிருந்தார்.

சமீபத்தில் ஒரு பேட்டியில் நயன்தாராவை அறிமுகப்படுத்திய நிகழ்வு பற்றி இயக்குனர் சத்யன் அந்திக்காடு பேசும்போது, “அந்த படத்திற்காக புதுமுகம் ஒருவரை தேடிக்கொண்டிருந்தபோது நகை விளம்பரத்தில் நடித்த நயன்தாராவின் புகைப்படத்தை பத்திரிக்கை ஒன்றில் பார்த்தேன். அதன் பிறகு அவரை தொடர்புகொண்டு இந்த படத்தில் நடிக்க அழைப்பு விடுத்தேன். ஆரம்பத்தில் அவர் ஒப்புக்கொண்டாலும் பின்னர் படத்தில் நடிக்கவில்லை என்று கூறி பின்வாங்கினார்..

காரணம் அவரது உறவினர்கள் தரப்பில் இருந்து அவர் சினிமாவில் நடிப்பதற்கு நிறைய எதிர்ப்பு கிளம்பியது தான். அதேசமயம் நயன்தாராவின் பெற்றோர் தனது மகள் சினிமாவில் நடிப்பதற்கு எந்தவித மறுப்பும் சொல்லவில்லை. அதனால் நயன்தாராவை உற்சாகமூட்டி இந்த படத்தில் நடிக்க வைத்தேன். டயானா என்கிற பெயரையும் மாற்றி சினிமாவுக்காக நயன்தாரா என பெயர் சூட்டினேன்” என பழைய நினைவுகளை பகிர்ந்துள்ளார் சத்யன் அந்திக்காடு

Sathyananthikad

Nayanthara

கருத்துகள் (0) கருத்தைப் பதிவு செய்ய

மஞ்சுவாரியர் புகார் எதிரொலி : போலீஸ் ...

பாலியல் வழக்கில் தலைமறைவான ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய