ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
பிரபல சின்னத்திரை நட்சத்திர தொகுப்பாளினி டிடி என்று செல்லமாக அழைக்கப்படும் திவ்யதர்ஷினி. காபி வித் டிடி மூலம் புகழ்பெற்றவர். பிரமாண்ட நட்சத்திர கலை விழாக்கள், விருது வழங்கும் விழாக்களை தொகுத்து வழங்கியவர். முன்னணி திரை நட்சத்திரங்களுக்கு தோழியாக இருப்பவர். சமீபகாலமாக திரைப்படங்களிலும் நடிக்க ஆரம்பித்திருக்கிறார்.
டிடி தனது பால்ய காலத்து நண்பரும், காதலருமான ஸ்ரீகாந்த் ரவிச்சந்திரனை கடந்த 2014ம் ஆண்டு திருமணம் செய்து கொண்டார். தமிழ் திரையுலகமே திரண்டு வந்து வாழ்த்திச் சென்றது. திருமணமான சில மாதங்களிலேயே இருவருக்கும் கருத்து வேறுபாடு ஏற்பட்டதாக கூறப்படுகிறது. குறிப்பாக டிடி சினிமாவில் நடிப்பதை அவர் கணவர் விரும்பவில்லை என்று கூறப்படுகிறது. இதனால் மன அழுத்தம் அடைந்த டிடி சில காலம் சின்னத்திரையில் இருந்து ஒதுங்கி இருந்தார்.
இப்போது மீண்டும் அன்புடன் டிடி நிகழ்ச்சி மூலம் வந்திருக்கிறார். முதலில் தனுஷ் இயக்கிய பவர்பாண்டி படத்தில் நடித்தவர் இப்போது மணிரத்னம் மற்றும் ராஜீவ் மேனன் இயக்கும் படங்களில் நடிக்கிறார். இந்த நிலையில் பாடகியும் ரேடியோ ஜாக்கியுமான சுசித்ரா தனது டுவிட்டரில் டிடி தொடர்பாக ஒரு படத்தை வெளியிட்டார். இந்த படங்கள் கணவன் மனைவிக்குள் மேலும் பிரிவை உண்டாக்கியதாக கூறப்படுகிறது. இருவரும் தனித்தனியாக வாழ்ந்து வந்தனர்.
இந்த நிலையில் திவ்யதர்ஷினியும், அவரது கணவர் ஸ்ரீகாந்த் ரவிச்சந்திரனும் பரஸ்பரம் விவாகரத்து கேட்டு சென்னை குடும்ப நல கோர்ட்டில் மனு தாக்கல் செய்துள்ளனர். இது சின்னத்திரை பெரிய திரை வட்டாரத்தில் பரபரப்பை ஏற்படுத்தியுள்ளது.