Dinamalar

14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்

தென்னிந்திய இயக்குனர்கள் பாலிவுட்டில் சென்று கால் பதித்தாலும் அங்கே நிலைத்து நிற்பது ரொம்பவே கடினம். ஆனால் மலையாள இயக்குனர் பிரியதர்ஷன் கிட்டத்தட்ட 30 வருடங்களுக்கு மேலாக பாலிவுட்டில் தனக்கென ஒரு இடத்தை தக்க வைத்துள்ளார். இதுவரை ஹிந்தியில் 27 படங்களை இயக்கியுள்ள அவர் கடந்த 2009, 2010 என இரண்டு வருடங்களில் மட்டும் தொடர்ந்து ஐந்து ஹிந்தி படங்களை அவர் இயக்கி உள்ளார். கடந்த 2021ல் 'ஹங்குமா 2' படத்தை இயக்கிய பிரியதர்ஷன் மூன்று வருடங்களுக்கு பிறகு மீண்டும் ஹிந்தியில் புதிய படம் ஒன்றை இயக்குகிறார். இந்த படத்தில் கதாநாயகனாக அக்ஷய் குமார் நடிக்கிறார்.

ஏற்கனவே பாஹம் பாக், ஹேரா பெரி, கரம் மசாலா என பிரியதர்ஷன் டைரக்ஷனில் பல படங்களில் கதாநாயகனாக நடித்துள்ள அக்ஷய் குமார் கடந்த 2010ல் அவரது இயக்கத்தில் கட்டா மீதா என்கிற படத்தில் நடித்திருந்தார். தற்போது 14 வருடங்கள் கழித்து மீண்டும் பிரியதர்ஷன் டைரக்சனில் நடிக்க இருக்கிறார். மேஜிக்கை பின்னணியாக கொண்டு காமெடி கலந்த ஹாரர் பேண்டஸி படமாக இது உருவாக இருக்கிறது. கடந்த சில வருடங்களாகவே இறங்கு முகத்தில் இருக்கும் அக்ஷய் குமாரின் மார்க்கெட் பிரியதர்ஷன் படம் மூலமாக மீண்டும் சூடு பிடிக்கும் என எதிர்பார்க்கலாம்.

• 
  மகளிர் ஆணையத்தில் மனைவியுடன் நேரில் ஆஜரான மாதம்பட்டி ரங்கராஜ்
• 
  படப்பிடிப்புக்கு 5 நாட்களுக்கு முன்புதான் பைசன் படத்தின் ஸ்கிரிப்டை ...
• 
  ‛உஸ்தாத் பகத்சிங்' படத்தில் இணைந்த பார்த்திபன்
• 
  பட தயாரிப்பு நிறுவனம் வழக்கு : நடிகர் விஷால் பதிலளிக்க உத்தரவு
• 
  'கோச்சடையான்' பட விவகாரம் : ரஜினி மனைவி லதாவுக்கு சிக்கல்

• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது
• 
  ‛அங்கமாலி டைரீஸ்' பட இயக்குனரின் ஹிந்தி படத்திற்கு இசையமைக்கும் ஏ.ஆர் ...
• 
  மனநல தூதர் ஆனார் தீபிகா