Dinamalar

தெலுங்கில் வசூலைக் குவிக்கும் 'உப்பெனா'

புதுமுகங்களை வைத்து படத்தைத் தயாரித்து வெளியிடும் போது அந்தப் படம் எதிர்பார்த்ததை விடவும் அதிக வசூலைக் குவிப்பதென்பது எப்போதாவது ஒரு முறைதான் நடக்கும். தெலுங்குத் திரையுலகத்தில் அப்படி ஒரு வசூலை அள்ளிக் குவித்து வருகிறது 'உப்பெனா' படம்.

வைஷ்ணவ் தேஜ், கிரித்தி ஷெட்டி, விஜய் சேதுபதி மற்றும் பலர் நடித்த 'உப்பெனா' தெலுங்குப் படம் கடந்த வாரம் வெளியானது. படத்திற்கு ரசிகர்களிடமும், விமர்சகர்களிடமும் நல்ல வரவேற்பு கிடைத்துள்ளது. அறிமுக நாயகன், நாயகியின் நடிப்பு, நம்ம ஊர் விஜய் சேதுபதியின் நடிப்பு, தேவிஸ்ரீ பிரசாத்தின் இசை, இயக்குனர் புஜ்ஜி பாபுவின் உணர்வுபூர்வமான இயக்கம் என படத்திற்கு பல விஷயங்கள் ஆதரவாக அமைந்துவிட்டது. அதனால் தெலுங்கு ரசிகர்கள் புது நடிகர்கள் என்றும் பாராமல் தியேட்டர்களுக்கு வந்து கொண்டிருக்கிறார்கள்.

படம் வெளியான மூன்று நாட்களிலேயே சுமார் 40 கோடிக்கும் அதிகமாக வசூலித்துவிட்டதாம். நேற்று திங்கள் கிழமை கூட 4 கோடிக்கும் மேல் வசூல் வந்துவிட்டது என்கிறார்கள்.

இதனால் படம் நிச்சயம் சூப்பர்ஹிட் என டோலிவுட் தகவல்கள் தெரிவிக்கின்றன. இந்தப் படத்தில் விஜய் சேதுபதியின் யதார்த்த நடிப்பை தெலுங்கு ரசிகர்கள் கொண்டாடி வருகிறார்களாம். இதனால், அவருக்கு தெலுங்கில் பல வாய்ப்புகள் தேடி வரும் என்று தகவல்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்