Dinamalar

டிவி ஒளிபரப்பில் அதிக ரேட்டிங் பெற்ற 'உப்பெனா'

தமிழ் நடிகரான விஜய் சேதுபதி முக்கிய கதாபாத்திரத்திலும், அறிமுக நட்சத்திரங்களான வைஷ்ணவ் தேஜ், கிரித்தி ஷெட்டி கதாநாயகன், நாயகியாகவும் நடித்து பெரிய வசூலைக் குவித்த தெலுங்குப் படம் 'உப்பெனா'. இப்படம் ஏப்ரல் 18ம் தேதியன்று டிவியில் முதல் முறை ஒளிபரப்பானது. பெரிய படங்களுக்கு இணையாக இப்படத்தின் டிவி ரேட்டிங்கும் இருக்கும் என திரையுலகத்தில் எதிர்பார்த்தார்கள். அது போலவே படத்தின் ரேட்டிங்கும் வந்துள்ளது.

இப்படத்திற்கு 18.5 ரேட்டிங் கிடைத்துள்ளது. அறிமுக நட்சத்திரங்கள் நாயகன், நாயகியாக நடித்த ஒரு படத்திற்கு இந்த அளவிற்கு டிவி ரேட்டிங் கிடைப்பது இதுவே முதல் முறை.

தெலுங்குப் படங்களில் இதுவரையிலும் அதிகபட்ச ரேட்டிங்கைப் பெற்ற படமாக அல்லு அர்ஜுன், பூஜா ஹெக்டே நடித்த 'அலா வைகுந்தபுரம்லோ' படம் உள்ளது. அப்படம் 29.4 ரேட்டிங்கைப் பெற்று முதலிடத்தில் உள்ளது.

தமிழில் விஜய் ஆண்டனி நடித்த 'பிச்சைக்காரன்' படம் தெலுங்கில் 'பிச்சகாடு' என்ற பெயரில் வெளியாகி வெற்றி பெற்று பின்னர் டிவியில் ஒளிபரப்பான போது 18.7 ரேட்டிங்கைப் பெற்றது. அப்படத்தை விடவும் 'உப்பெனா' 0.2 ரேட்டிங் குறைவாகத்தான் பெற்றுள்ளது என்பது குறிப்பிட வேண்டிய ஒன்று. தமிழிலிருந்து தெலுங்கில் டப்பிங் ஆகி வெளியான படங்களின் டிவி ரேட்டிங்கில் 'ரோபோ' படம் 19.04 ரேட்டிங்குடன் முதலிடத்தில் உள்ளது.

• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...
• 
  சாமியாரான பாலிவுட் நடிகை
• 
  ஷாருக்கானின் 60வது பிறந்தநாளில் வெளியான கிங் படத்தின் டீசர்!
• 
  வாரிசு பட இயக்குனரின் அடுத்த படத்தில் நடந்த ட்விஸ்ட்!
• 
  அருந்ததி படம் ஹிந்தியில் ரீமேக் ஆகுவது உறுதி!

• 
  7ஜி ரெயின்போ காலனி 2 அப்டேட் சொன்ன செல்வராகவன்
• 
  ராஷ்மிகாவின் 'தி கேர்ள் பிரண்ட்' படத்தின் சென்சார் மற்றும் ரன்னிங் ...
• 
  ஆர்யன் பட கிளைமாக்ஸ் மாற்றம் : ஹீரோ விஷ்ணு விஷால் அறிவிப்பு
• 
  சாய் அபயங்கரை வாழ்த்திய அல்லு அர்ஜுன்!
• 
  வேகம் எடுக்கும் விஜய்யின் 'ஜனநாயகன்' படக்குழு! இம்மாதம் முதல் பாடல் ...