புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! | மீண்டும் இணைந்த விஜய் தேவரகொண்டா - தில் ராஜூ | தள்ளிப்போகும் இந்தியன் 2 ... அதே தேதியை குறிவைக்கும் ராயன்? | விஜய் 69வது படத்தை தயாரிக்கும் யஷ் பட தயாரிப்பாளர்? | ‛மஞ்சும்மல் பாய்ஸ்' படம் தந்த பாடம்: நடிகர் சித்தார்த் அருண்பாண்டியன் |
நீண்ட இடைவெளிக்குப் பிறகு ஒரே சமயத்தில் இரண்டு படங்களில் நடித்து முடித்துள்ளார் ரஜினிகாந்த். அடுத்த வருடம் ஒரு சிறிய இடைவெளிக்குப் பிறகு '2.0' மற்றும் 'காலா' படங்கள் வெளிவர உள்ளன. பல வருடங்களாக ரசிகர்களைச் சந்திக்காத ரஜினிகாந்த் சில மாதங்களுக்கு முன்பு ரசிகர்களைச் சந்தித்து உற்சாகப்படுத்தினார். பிறந்த நாள் சமயத்தில் மீண்டும் ரசிகர்களைச் சந்திக்க உள்ளேன் என கடந்த வாரம் கூறியிருந்தார். இன்னும் இரண்டு வாரங்களில் ரஜினிகாந்தின் பிறந்த நாள் வர உள்ளது.
அன்றைய தினம் ரஜினிகாந்த் அரசியல் பிரவேசம் பற்றி ஏதாவது அறிவிப்பு ஒன்றை வெளியிடுவாரா என்று ரசிகர்கள் இப்போதே ஆவலுடன் காத்துக் கொண்டிருக்கிறார்கள். திரையுலகத்தில் தனிப் பெரும் நட்சத்திரமாக இருக்கும் ரஜினிகாந்த்தின் திரைப்பட சாதனைகள் சமீபத்தில் 'மெர்சல்' படம் மூலம் முறியடிக்கப்பட்ட போது ரஜினி ரசிகர்களுக்கும், விஜய் ரசிகர்களுக்கும் சமூக வலைத்தளங்களில் கடும் மோதல் ஏற்பட்டது. அதோடு, யு டியூப் சாதனையிலும் 'மெர்சல்' படம் கபாலி சாதனையை முறியடித்தது.
ரஜினிகாந்த் ரசிகர்களுக்கு அவருடைய ஏதாவது ஒரு அறிவிப்புதான் உற்சாகத்தைக் கொடுக்க வைக்கும். '2.0' பட வெளியீடு பற்றியும் பல்வேறு குழப்பங்கள் நிலவி வரும் நிலையில், டிசம்பர் 12ம் தேதிக்காக ரஜினிகாந்த் ரசிகர்கள் ஆவலுடன் எதிர்பார்த்து காத்துக் கொண்டிருக்கிறார்கள்.