பிளாஷ்பேக்: 'கண்ணீர் திலகம்' ஸ்ரீரஞ்சனி | டைட்டானிக் கேப்டன் காலமானார் | ஐஸ்வர்யா லட்சுமி தோழிதான், காதலி இல்லை : அர்ஜூன் தாஸ் விளக்கம் | புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! | மீண்டும் இணைந்த விஜய் தேவரகொண்டா - தில் ராஜூ |
தென்னிந்திய சண்டை இயக்குனர்கள் மற்றும் சண்டை கலைஞர்கள் சங்கத்தின் பொன்விழா கடந்த சில தினங்களுக்கு முன்பு நேரு உள் விளையாட்டரங்கில் நடந்தது. இந்த நிகழ்ச்சியில் தமிழ் முன்னணி நடிகர்கள் கலந்து கொண்டவிதம் சங்க உறுப்பினர்களிடையே அதிர்ச்சியையும், ஏமாற்றத்தையும் அளித்துள்ளது. இதுகுறித்து பெயர் குறிப்பிட விரும்பாத சங்க நிர்வாகி ஒருவர் கூறியதாவது:
தென்னிந்திய சண்டை கலைஞர்கள் சங்கம் என்று பெயர் இருந்தாலும் அது தமிழ் சண்டை கலைஞர்கள் சங்கம் தான். அது செயல்படுவதும் தமிழ்நாட்டில் தான். மற்ற மொழி கலைஞர்களை விட தமிழ் கலைஞர்களுக்குத் தான் சங்கத்தின் மீது அக்கறையும் மதிப்பும் இருந்திருக்க வேண்டும்.
விழாவுக்கு தெலுங்கு சூப்பர் ஸ்டார் பாலகிருஷ்ணாவும், மலையாள சூப்பர் ஸ்டார் மோகன்லாலும் எல்லோருக்கும் முன்னதாக வந்து விட்டனர். தமிழ் நடிகர்கள் பில்டப்போடு வந்தார்கள். மேடையில் விழாவை தொகுத்து வழங்கியவர்கள் கேட்டுக் கொண்டபடி தெலுங்கு சூப்பர் ஸ்டார் என்.டி.பாலகிருஷ்ணா ஒரு சண்டைக் காட்சியை நடத்திக் காட்டினார்.
மோகன்லால் ஒரு டான்ஸ் மூவ்மெண்ட் கொடுத்தார். இதே சண்டை காட்சி கோரிக்கையை கார்த்தியிடம் சொன்னபோது அவர் செய்ய மறுத்துவிட்டார். சூர்யாவிடம் "ஓங்கியடிச்சா ஒண்டற டன் வெயிட்" வசனத்தை பேசச் சொன்னபோது மறுத்து விட்டார்.
மோகன்லால் மேடையேறி பேசத் தயாரானபோது ரஜினி உள்ளே என்ட்ரி ஆனார். அரங்கம் ஆரவாரம் செய்தது. மோகன்லால் செய்வதறியாது மேடையிலேயே நின்று கொண்டிருந்தார். ஒரு முன்னணி கலைஞனுக்கு கொடுக்கும் மரியாதை இதுதானா என்று எங்களுக்கே மனக் கஷ்டமாக இருந்தது.
சண்டை கலைஞர்களாலேயே முன்னுக்கு வந்த கமல், விஜய், அஜீத் ஆகியோர் விழாவுக்கே வரவில்லை. இந்த விழாவில் முன்னணி நடிகர்கள் மூலம் நிறைய நிதி திரளும் என்று எதிர்பார்த்தோம் ஆனால் சிவகுமார் மட்டுமே தன் குடும்பத்தின் சார்பாக 10 லட்சம் ரூபாய் நிதி கொடுத்தார். என்றார் அவர்.