யுனிசெப் தூதராக கரீனா கபூர் நியமனம் | பிளாஷ்பேக்: 'கண்ணீர் திலகம்' ஸ்ரீரஞ்சனி | டைட்டானிக் கேப்டன் காலமானார் | ஐஸ்வர்யா லட்சுமி தோழிதான், காதலி இல்லை : அர்ஜூன் தாஸ் விளக்கம் | புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! |
ஏ.ஆர்.முருகதாஸ் இயக்கத்தில் ஹாரிஸ் ஜெயராஜ் இசையமைப்பில் மகேஷ் பாபு, ரகுல் ப்ரீத் சிங், எஸ்.ஜே.சூர்யா மற்றும் பலர் நடித்துள்ள 'ஸ்பைடர்' படத்தின் தெலுங்கு, தமிழ் டீசர் நேற்று காலை யு டியூப் மற்றும் பேஸ்புக் ஆகியவற்றில் வெளியிடப்பட்டது.
மகேஷ் பாபு, தமிழ் ரசிகர்களுக்கு இன்னும் அதிகமாக அறிமுகமாகவில்லை, இருந்தாலும் இந்த 24 மணி நேரத்தில் தமிழ் டீசருக்கு யு டியுபில் 17 லட்சம் பார்வைகளும், பேஸ்புக்கில் 5 லட்சம் பார்வைகளும் கிடைத்துள்ளன.
தெலுங்கில் மகேஷ் பாபு முன்னணி கதாநாயகன் என்பதால் அங்கு 'ஸ்பைடர்' தெலுங்கு டீசர் அதிகப்படியான வரவேற்பைப் பெற்றுள்ளது. மகேஷ் பாபுவின் முந்தையப் பட சாதனைகளை முறியடித்துள்ளது. 24 மணி நேரத்தில் 'ஸ்பைடர்' தெலுங்கு டீசருக்கு யு டியுபில் 41 லட்சம் பார்வைகளும், பேஸ்புக்கில் 23 லட்சம் பார்வைகளும் கிடைத்துள்ளன.
யு டியுப், பேஸ்புக் இரண்டையும் சேர்த்து தமிழ், தெலுங்கு இரண்டு மொழிகளிலும் 86 லட்சம் பார்வைகள் கிடைத்துள்ளன. தெலுங்குப் படங்களின் யு டியூப் சாதனைகள் என்பது 'பாகுபலி 2' படத்திற்குப் பிறகுதான் அதிகரித்துள்ளது. சமீபத்தில் வெளியாகும் முன்னணி ஹீரோக்களின் டீசர் மற்றும் டிரைலர்களைப் பார்வையிடுபவர்களின் எண்ணிக்கை அதிகமாகியுள்ளது. அந்த விதத்தில் மகேஷ் பாவுக்கு டிஜிட்டல் உலகில் இது புதிய சாதனை தான்.
இருந்தாலும், தமிழில், ரஜினி, விஜய், அஜித் படங்களின் டீசர், டிரைலர் சாதனையை மகேஷ் பாபுவால் 'ஸ்பைடர்' பட டீசர் மூலம் தொட முடியவில்லை.