Dinamalar

புரமோஷன் நிகழ்ச்சிக்காக வந்தபோது படியில் சறுக்கி விழுந்த விஜய் தேவரகொண்டா

தென்னிந்திய அளவில் பிரபலமாக தெலுங்கு நடிகர் விஜய் தேவரகொண்டா இளம் ரசிகர்களை அதிகம் பெற்றவர். கடந்த வருடம் வெளியான குஷி படம் இவருக்கு வெற்றி படமாக அமைந்தது. ஆனால் இந்த வருடம் வெளியான ‛பேமிலி ஸ்டார்' இவருக்கு பெரிய அளவில் கை கொடுக்கவில்லை. இந்த நிலையில் தற்போது தனது 12வது படமாக கவுதம் தின்னனுரி இயக்கத்தில் நடித்து வருகிறார் விஜய் தேவரகொண்டா. இந்த படத்தின் படப்பிடிப்பு சமீப நாட்களாக கேரளாவில் நடைபெற்று வந்தது. இந்த படம் 2025 மார்ச்-28ல் வெளியாக இருக்கிறது.

இன்னொரு பக்கம் சர்ப்ரைஸ் ஆக சாஹிபா என்கிற ஆல்பத்திலும் நடித்துள்ளார் விஜய் தேவரகொண்டா. இவருடன் இணைந்து ஜஸ்லீன் ராயல் மற்றும் ராதிகா மதன் ஆகியோரும் இதில் நடித்துள்ளனர். இந்த ஆல்பம் வெளியீட்டுக்கான புரமோஷன் நிகழ்ச்சி சமீபத்தில் மும்பையில் ஏற்பாடு செய்யப்பட்டிருந்தது. இதற்காக மும்பை வந்த விஜய் தேவரகொண்டா விழா நடக்கும் அரங்கிற்கு வந்த சமயத்தில் அங்கிருந்த படிகளில் இறங்கும்போது திடீரென கால் ஸ்லிப் ஆகி படிகளில் சறுக்கி விழுந்தார். உடனடியாக அங்கிருந்தவர்கள் ஓடி வந்து அவரை தூக்கினார்கள். இருப்பினும் பெரிய அளவில் காயம் எதுவும் அவருக்கு ஏற்படவில்லை. இதைத்தொடர்ந்து புரமோஷன் நிகழ்ச்சியில் கலந்து கொண்டு கிளம்பிச் சென்றார் விஜய் தேவரகொண்டா.

• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி
• 
  'திரிஷ்யம் 3' படத்திலிருந்து விலகிய அக்ஷய் கண்ணா ; சம்பள பிரச்னை காரணமா ?
• 
  ஜனவரி 23-ல் நெட் பிளிக்ஸில் தேரே இஸ்க் மே
• 
  2025ல் நம்பர் 1 வசூல் - 'காந்தாரா சாப்டர் 1'ஐ முந்திய 'துரந்தர்'

• 
  டிரெயின்-ல் ஸ்ருதிஹாசன் பாடிய கன்னக்குழிக்காரா
• 
  ரஜினிக்காக மட்டுமே அதை செய்தேன் : சொல்கிறார் உபேந்திரா
• 
  மறு தணிக்கைக்கு செல்லும் பராசக்தி
• 
  வருட இறுதியில் ஓடிடியில் மகிழ்விக்க வரிசைக்கட்டும் 'புதுப்படங்கள்'..!
• 
  குரு சோமசுந்தரம், அனுமோல் இணைந்து நடிக்கும் பாரிஸ் கபே