Dinamalar

குஷி ரிலீஸ் தள்ளிப்போகிறது : விஜய் தேவரகொண்டா தகவல்

விஜய் தேவரகொண்டா, சமந்தா இருவரும் இணைந்து தெலுங்கில் நடித்து வரும் படம் குஷி. மகாநடி படத்தை தொடர்ந்து இவர்கள் இருவரும் மீண்டும் இந்த படத்தில் இணைந்து நடித்து வருகிறார்கள். இந்த படத்தை பிரபல இயக்குனர் சிவா நிர்வான என்பவர் இயக்கி வருகிறார்.

மலையாளத்தில் மிகப்பெரிய வெற்றியை பெற்ற ஹிருதயம் படத்திற்கு இசையமைத்த ஹேசம் அப்துல் வகாப் என்பவர்தான் இந்த படத்திற்கு இசையமைத்து வருகிறார். இந்த படத்தின் படப்பிடிப்பு கடந்த மே மாதம் காஷ்மீர் பகுதிகளில் துவங்கி நடைபெற்று வந்தது. இந்த வருட கிறிஸ்துமஸ் ரிலீசாக இந்தப் படம் வெளியாகும் என ஏற்கனவே சொல்லப்பட்டு வந்தது.

இந்த நிலையில் இன்னும் மூன்று மாதங்கள் தள்ளிப்போகும் என்கிற தகவலை சமீபத்திய பேட்டி ஒன்றில் கூறியுள்ளார் விஜய்தேவரகொண்டா. இதுபற்றி அவர் கூறும்போது, சில காரணங்களால் இந்த படத்தின் ரிலீஸ் தேதி 2023 பிப்ரவரி மாதம் தள்ளிப்போகும் சூழல் உருவாகியுள்ளது என்று மட்டும் கூறியுள்ளார்.

இந்த படத்தில் கதாநாயகியாக நடித்து வரும் சமந்தா சமீபகாலமாக தசை அழற்சி நோயால் பாதிக்கப்பட்டு உள்ளதால் அவரது சிகிச்சை மற்றும் ஓய்வு காரணமாக படப்பிடிப்பு தள்ளி வைக்கப்பட்டிருக்கிறது என்றும் சொல்லப்படுகிறது.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  ஜனநாயகன் குறித்து மகிழ்ச்சியான செய்தி
• 
  திருமணத்திற்கு ஜோடியாக வந்ததற்கு பதிலடிதான் சங்கீதாவின் புதிய மனு ?
• 
  சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் ...
• 
  'மேட் இன் கொரியா' இயக்குனர் மனைவியின் கதை : பிரியங்கா மோகன்
• 
  இசையில் மட்டும்தான் கவனம்: நடிப்பு தகவலுக்கு முற்றுப்புள்ளி வைத்த சாய் ...