Dinamalar

'புஷ்பா 2' வியாபாரம் 1000 கோடி???

அல்லு அர்ஜுன், ராஷ்மிகா மந்தனா, பஹத் பாசில் மற்றும் பலர் நடிப்பில் சுகுமார் இயக்கத்தில் உருவாகியுள்ள 'புஷ்பா 2' படம் பான் இந்தியா படமாக டிசம்பர் 5ம் தேதி வெளியாக உள்ளது. இப்படத்தின் முதல் பாகம் 2021ம் ஆண்டு வெளியானது.

எதிர்பாராத அளவில் பெரிய வெற்றியைப் பெற்று ஹிந்தியிலும் சேர்த்து வசூல் சாதனை புரிந்தது. சுமார் 400 கோடி வரையில் அப்படம் வசூலித்தது என்பது பாக்ஸ் ஆபீஸ் தகவல். அதனால், இரண்டாம் பாகத்திற்கு அதிக எதிர்பார்ப்பு ஏற்பட்டது. 'பாகுபலி 1' வந்து வசூலித்த பிறகு 'பாகுபலி 2' வெளிவந்து முதல் பாகத்தை விடவும் வசூல் சாதனை புரிந்தது. அதுபோல 'புஷ்பா 2' படத்திற்கும் நடக்கும் என நம்புகிறார்கள்.

அதனால், 'புஷ்பா 2' படத்திற்கு எதிர்பார்த்ததை விடவும் சிறப்பான வியாபாரம் நடைபெற்றுள்ளதாக டோலிவுட்டில் தகவல் வெளியாகி உள்ளது. இப்படத்தின் ஆந்திரா, தெலங்கானா தியேட்டர் உரிமை 225 கோடி, வட இந்திய உரிமை 200 கோடி, தமிழக உரிமை 50 கோடி, கர்நாடகா 30 கோடி, கேரளா 20 கோடி, வெளிநாடுகள் 120 கோடி என மொத்தமாக 645 கோடிக்கு விற்கப்பட்டுள்ளதாம்.

அனைத்து மொழிகளுக்குமான ஓடிடி உரிமை மட்டும் 275 கோடி, இசை உரிமை 65 கோடி, சாட்டிலைட் டிவி உரிமை 85 கோடி என தியேட்டர் அல்லாத இந்த உரிமைகள் மூலம் மட்டுமே 425 கோடிக்கு வியாபரம் நடந்துள்ளதாம். இரண்டாம் பாகத்தின் பட்ஜெட் சுமார் 400 கோடிக்கும் அதிகம் என்கிறார்கள். இந்த தியேட்டர் அல்லாத உரிமைகள் மூலம் மட்டுமே படத்திற்கான செலவுத் தொகை தயாரிப்பாளருக்கு நேரடியாகக் கிடைத்திருக்கும். தியேட்டர் வியாபாரம், அதன் பிறகான வசூல் அனைத்தும் படத்திற்குக் கிடைக்கப் போகும் லாபக் கணக்கில் சேரும்.

படத்திற்கு நல்ல வரவேற்பு கிடைத்து, தியேட்டர் வசூலும் சிறப்பாக அமைந்துவிட்டால் 'பாகுபலி 2, ஆர்ஆர்ஆர், கல்கி 2898 எடி' படங்களைப் போல 'புஷ்பா 2' படமும் அந்த 1000 கோடி வசூல் வரிசையில் சேரும் வாய்ப்பு வரும் என தெலுங்குத் திரையுலகினர் அதிகம் நம்புகிறார்கள்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  'பயர்' 50வது நாள் : சவாலான படங்களை தயாரித்து, இயக்க ஜே சதீஷ் குமார் முடிவு
• 
  ரத்தத்தால் அடா சர்மாவின் ஓவியம் வரைந்த ரசிகர்
• 
  நான் யார் என்று எனக்கே தெரியவில்லை : மணிரத்னம் பட நடிகை அதிர்ச்சி தகவல்
• 
  ‛இளமை எனும் பூங்காற்று...' புகழ் நடிகர் ரவிக்குமார் காலமானார்
• 
  'எம்புரான்' தயாரிப்பாளர் அலுவலகத்தில் அமலாக்கத் துறை சோதனை