Dinamalar

நடிகராக விஷாலின் 20 வருடங்கள் நிறைவு

இயக்குனரும், நடிகருமான அர்ஜுனிடம் உதவி இயக்குனராகப் பணியாற்றி, பின் 'செல்லமே' படம் மூலம் கதாநாயகனாக அறிமுகமானவர் விஷால். அந்தப் படம் 20 வருடங்களுக்கு முன்பு 2004ம் ஆண்டு செப்டம்பர் 10ம் தேதி வெளியானது. அவரது அறிமுகப் படமே குறிப்பிடும்படியான வெற்றிப் படமாக அமைந்தது.

அடுத்து அவரது நடிப்பில் வெளிவந்த 'சண்டக்கோழி' படமும் ஒரு தரமான ஆக்ஷன் படமாக அமைந்தது. தொடர்ந்து ஆக்ஷன் படங்களில் மட்டுமே அதிகமாக நடித்து வந்தார். பாலா இயக்கத்தில் வெளிவந்த 'அவன் இவன்' படம் விஷாலின் மற்றொரு பரிமாணத்தைக் காட்டியது.

கடந்த 20 வருடங்களில் அவரது நடிப்பில் வெளிவந்த 30க்கும் மேற்பட்ட தமிழ்ப் படங்களில், “பாண்டிய நாடு, துப்பறிவாளன், இரும்புத் திரை, மார்க் ஆண்டனி” ஆகிய படங்கள் குறிப்பிடும்படியான சில முக்கிய படங்கள். இன்னும் சில படங்கள் நிறைவான ஆக்ஷன் படங்களாக இருந்தாலும் அந்தப் படங்களுக்கான வரவேற்பு அப்போது கிடைக்காமல் போனது ஆச்சரியம்தான். அப்படங்கள் தற்போது டிவியில் ஒளிபரப்பாகும் போது ரசிகர்களால் அதிகம் ரசிக்கப்படுகிறது.

இத்தனை வருட சினிமா வாழ்க்கையில் தயாரிப்பாளர் சங்கத்தின் தலைவராக இருந்திருக்கிறார். இரண்டாவது முறையாக தென்னிந்திய நடிகர் சங்கத்தின் செயலாளராக பதவி வகித்து வருகிறார்.

அடுத்து சில முன்னணி இயக்குனர்களின் இயக்கத்தில் விஷால் நடிப்பதற்கான பேச்சுவார்த்தை நடந்து வருகிறது. விரைவில் அதற்கான அதிகாரப்பூர்வ அறிவிப்புகள் வெளியாகலாம்.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  அஸ்வத் மாரிமுத்துவிற்கு விண்ணப்பித்த 15 ஆயிரம் உதவி இயக்குனர்கள்!
• 
  கவுதம் ராம் கார்த்திக் 19வது படத்தின் படப்பிடிப்பு துவங்கியது!
• 
  ''இப்போ ரிஸ்க் எடுக்கலைனா.. எப்பவும் இல்ல'': சினிமா என்ட்ரி குறித்து ...
• 
  த்ரிவிக்ரம் இயக்கத்தில் தனுஷ்?
• 
  குட் பேட் அக்லி - முன்பதிவு நிலவரம் என்ன?