Dinamalar

இயக்குனர் அதிகமாக சிகரெட் பிடித்தால் படம் ஹிட் : மிஷ்கின் பேச்சால் சர்ச்சை

இயக்குனர் மிஷ்கின் தன்னுடைய பட விழாக்களில் மட்டுமல்ல, தான் சிறப்பு விருந்தினராக கலந்து கொள்ளும் விழாக்களிலும் கூட சர்ச்சையாக பேசி பார்வையாளர்களின் கவனத்தை திருப்புவதை ஒரு வாடிக்கையாகவே செய்து வருகிறார். அந்த வகையில் சமீபத்தில் நடைபெற்ற டைனோசர்ஸ் என்கிற படத்தில் இசை வெளியீட்டு விழா நிகழ்வில் கலந்து கொண்டார் மிஷ்கின். இந்த படத்தை எம்.ஆர் மாதவன் என்பவர் இயக்கியுள்ளார்.

இந்த நிகழ்வில் மிஷ்கின் பேசும்போது, “இயக்குனர் மாதவன் தன்னை இந்த விழாவிற்காக அழைக்க வந்தபோது அவரது முகத்தை பார்த்ததுமே அவர் அதிகமாக சிகரெட் பிடிப்பார் என்பது தெரிந்தது. என்னுடைய முதல் படத்தின் போது நான் தினசரி 100 சிகரெட் பிடித்தேன். அஞ்சாதே படம் எடுத்தபோது தினசரி 120 சிகரெட் பிடித்தேன். அந்த அளவுக்கு டென்ஷனை குறைக்க சிகரெட் உதவியது. ஒரு இயக்குனர் அதிகம் சிகரெட் பிடிக்கிறார் என்றாலே அந்த படம் ஹிட் தான். அந்த வகையில் இந்த படமும் நிச்சயம் ஹிட் ஆகும்” என்று பேசினார்.

அதுமட்டுமல்ல தனது பேச்சை முடிக்கும் சமயத்தில், 'மணி பத்து ஆகிவிட்டது எல்லோரும் வீட்டுக்கு போங்க.. தண்ணி அடிங்க.. தம் அடிங்க.. தூங்குங்க” என்றும் கூறினார்.

புகைபிடிக்கும் பழக்கத்தை கைவிட வேண்டும் என்று கூறி ஒரு திரைப்படத்தின் துவக்கத்திலேயே விழிப்புணர்வு அறிவிப்புடன் தான் படத்தை துவங்குகிறார்கள். இப்படிப்பட்ட சூழ்நிலையில் ஒரு பொறுப்பான இயக்குனரான மிஸ்கின் இதுபோன்று ஒரு தவறான முன்னுதாரணமான பேச்சை பொதுவெளியில் பேசியது தற்போது சர்ச்சையை கிளப்பியுள்ளது. சோசியல் மீடியாவில் இது குறித்த விவாதங்களும் தற்போது அனல் பறக்கின்றன.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  'ஸ்பிரிட்' படத்தில் சிரஞ்சீவி? சந்தீப் ரெட்டி வங்காவின் பதில் இதோ!
• 
  கமல், ரஜினி இணையும் படம்: டிசம்பர் 12ல் அறிவிக்கப்படுமா?
• 
  எனக்கு கடவுள் நம்பிக்கை இல்லை: ராஜமவுலி பேச்சால் புது சர்ச்சை
• 
  கதைநாயகன் ஆனார் மொட்டை ராஜேந்திரன்: தனது பிடிவாதத்தை தளர்ப்பாரா?
• 
  எங்கள் மண வாழ்க்கை ரகசியம் - 'சரிம்மா, சாரிம்மா': நடிகை ரோஜா