Dinamalar

பாராட்டுக்களை குவிக்கும் 'தரங்கம்' : தனுஷ் நன்றி

கடந்த வியாழனன்று மலையாளத்தில் வெளியான படம் தான் தரங்கம். நடிகர் தனுஷ் மலையாளத்தில் முதன்முதலாக தயாரித்துள்ள படம் இது. வளர்ந்து வரும் இளம் நடிகரான டொவினோ தாமஸ் நடித்துள்ள இந்தப்படம் டார்க் காமெடி வகையை சேர்ந்த படமாக ஆக்சன், க்ரைம், காமெடி என எல்லாம் கலந்துகட்டி உருவாகி இருந்தது. ரசிகர்கள் மட்டுமல்லாது திரையுலகை சேர்ந்தவர்களும் இந்தப்படத்தை ரசித்து பார்த்து பாராட்டி வருகின்றனர்..

இந்தப்படத்தை பார்த்துவிட்டு சண்டக்கோழி வில்லன் நடிகரான லால், “இதுவரை நாம் பார்த்து வந்த மலையாள படங்களில் இருந்து ஒரு மாறுபட்ட ஸ்டைலில் இந்தப்படம் உருவாகியுள்ளது. குடும்பத்துடன் சந்தோஷமாக பார்ப்பதற்கான ஒரு படமாக இதை எடுத்திருக்கிறார்கள்” என பாராட்டியுள்ளார்.

இந்தப்படத்தின் நாயகன் டொவினோ தாமஸை வைத்து இதற்கு முன் 'கோதா' என்கிற படத்தை இயக்கிய இயக்குனர் பஷில் ஜோசப் இந்தப்படம் பரிசோதனை முயற்சியாக எடுக்கப்பட்டு வெற்றியை சந்தித்துள்ளது” என பாராட்டியுள்ளார்.

மலையாளத்தில் தனது தயாரிப்பில் வெளியான முதல் படம் வெற்றி என்பதால் சந்தோஷமடைந்துள்ள நடிகர் தனுஷ், படக்குழுவினருக்கும் பாசிடிவ் விமர்சனங்களை முன் வைத்ததற்காக மீடியாவுக்கும் தனது நன்றியை தெரிவித்துள்ளார்.

• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'
• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு
• 
  நடிகைகளை வைத்து பாலியல் தொழில் : பாலிவுட் நடிகை கைது

• 
  தெலுங்கில் வரவேற்பைப் பெறும் சிறிய படம் 'லிட்டில் ஹார்ட்ஸ்'
• 
  ஆரம்பமானது தெலுங்கு பிக் பாஸ் சீசன் 9
• 
  த்ரிவிக்ரம், வெங்கடேஷ் படத்தில் இணையும் இளம் நாயகி!
• 
  அடுத்தடுத்து 100 கோடி வசூல் படங்கள் ; உற்சாகத்தில் பிரேமலு ஹீரோ
• 
  நடிகர் சங்க தேர்தலில் ஏன் போட்டியிடவில்லை ? நடிகை ஊர்வசி விளக்கம்