Dinamalar

'பாஸ் இஸ் பேக்', கொண்டாடும் சிரஞ்சீவி ரசிகர்கள்

ஒரு நடிகருக்கு இப்படியும் ரசிகர்கள் இருப்பார்களா என நீங்கள் வியந்தால் அது சிரஞ்சீவியின் ரசிகர்களைப் பார்த்துதான் வியக்க வேண்டும். தமிழில் ரஜினிகாந்தைக் கொண்டாடுவதை விட, தெலுங்கில் சிரஞ்சீவியை பல ஆண்டு காலமாக அதிகமாகவே கொண்டாடி வருகிறார்கள் அவரது ரசிகர்கள். சில வருடங்களுக்கு முன்பு அரசியல் ஆசை வந்து தனிக் கட்சி ஆரம்பித்து, தேர்தலில் போட்டியிட்டு, எம்.பி.யாகத் தேர்வாகி, மத்திய மந்திரியாகவும் அமர்ந்து, அதன் பின் அரசியலே வேண்டாமென ஒதுங்கிவிட்டார் சிரஞ்சீவி. ரஜினி ரசிகர்களுக்கு அவர் ஏன் அரசியலுக்கு வரவில்லை என்பதை இப்போதாவது புரிந்து கொண்டால் சரி.

கடந்த 10 வருடங்களாக சினிமாவில் நடிக்காமல் இருந்த சிரஞ்சீவி மீண்டும் சினிமாவில் நடிக்க முடிவு செய்தார். பலரிடம் கதை கேட்டும் பிடிக்காமல் கடைசியில் தமிழில் விஜய் நடித்து வெளிவந்த 'கத்தி' படத்தை 'கைதி நம்பர் 150' என்ற பெயரில் ரீமேக் செய்து முடித்துவிட்டார்.

நேற்று இந்தப் படத்தின் டீசர் வெளியானது. சிரஞ்சீவி ரசிகர்கள் முதல் கொண்டு திரையுலகினர் வரை அனைவரும் 'பாஸ் இஸ் பேக்' எனக் கொண்டாடிக் கொண்டிருக்கிறார்கள். டீசரும் 1 மில்லியனைத் தாண்டி சாதனை படைத்துக் கொண்டிருக்கிறது. சிரஞ்சீவி மகன் ராம் சரண் நடித்து இன்று வெளியான 'துருவா' படத்திற்கு அமோகமான வரவேற்பு கிடைத்துள்ள நிலையில் 'கைதி நம்பர் 150' டீசருக்கும் ரசிகர்கள் அமோக ஆதரவு கொடுத்துள்ளதால் சிரஞ்சீவி குடும்பத்தினர் டபுள் சந்தோஷத்தில் உள்ளனராம்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  டொவினோ தாமஸின் படத்தில் சிறப்பு தோற்றத்தில் நடிக்கும் பிரித்விராஜ்
• 
  'சேவ் பாக்ஸ்' மோசடி வழக்கு ; அமலாக்கத்துறை விசாரணைக்கு ஆஜரான நடிகர் ...
• 
  2026ல் ஓணம் பண்டிகைக்கு வெளியாகும் நிவின் பாலி, மமிதா பைஜூ படம்
• 
  பிரபாஸின் 'தி ராஜா சாப்' படத்தின் டிரைலர் இன்று வெளியாகவில்லை! வதந்தியை ...
• 
  வார் 2 படத்தால் நஷ்டமா... : தயாரிப்பாளர் விளக்கம்