Dinamalar

வன்முறை காட்சிகளுக்காக 'ஏ' சான்றிதழ் பெற்ற படத்திற்கு முதல் டிக்கெட்டை வாங்கி துவக்கி வைத்த கேரள சபாநாயகர்

மலையாள திரையுலகில் குறிப்பிடத்தக்க அளவில் முன்னணி நடிகராக வளர்ந்து வருபவர் நடிகர் உன்னி முகுந்தன். பல வருடங்களுக்கு முன்பே தமிழில் தனுஷின் சீடன் படத்தில் நடித்திருந்தாலும் சமீபத்தில் சசிகுமார், சூரியுடன் இணைந்து கருடா படத்தில் நடித்ததன் மூலம் இன்னும் பெரிய அளவில் பிரபலமானார். அதுமட்டுமல்ல தெலுங்கு திரை உலகிலும் அனுஷ்கா, சமந்தா ஆகியோருக்கு ஜோடியாக நடித்து தென்னிந்திய அளவில் பிரபலமாக இருந்து வருகிறார்.

இந்த நிலையில் அவரது நடிப்பில் மிகப்பெரிய ஆக்சன் படமாக உருவாகியுள்ளது 'மார்கோ'. மம்முட்டி நடித்த 'தி கிரேட் ஆக்டர்' மற்றும் நிவின்பாலி நடித்த 'மைக்கேல்' உள்ளிட்ட படங்களை இயக்கிய ஹனீப் அதேனி இந்த படத்தை இயக்கியுள்ளார்.

இந்த படத்தில் இதுவரை இல்லாத அளவு வன்முறை தெறிக்கும் விதமாக ஏழு சண்டை காட்சிகள் இடம் பெற்றுள்ளன. இதனாலேயே இந்த படத்திற்கு 'ஏ' சான்றிதழ் வழங்கப்பட்டுள்ளது. வரும் டிசம்பர் 20ம் தேதி இந்த படம் வெளியாக உள்ள நிலையில் விரைவில் இதன் டிக்கெட் முன்பதிவு நடைபெற இருக்கிறது. இந்த படத்தை தயாரித்துள்ள சபீர் முகமது என்பவர் கேரள சட்டசபை சபாநாயகர் ஏஎன் சம்சீர் அவர்களுக்கு மிக நெருங்கிய நண்பர். அதனால் அந்த நட்பின் அடிப்படையில் இந்த படத்தின் முதல் டிக்கெட்டை பெற்றுக்கொண்டு இதன் விற்பனையை துவக்கி வைத்துள்ளார் சபாநாயகர்.

மக்களுக்கு ஒரு நல்ல கருத்தை சொல்லும் படமாக இருந்தால் கூட பரவாயில்லை, ஆனால் இப்படி வன்முறை கலந்த ஒரு ஆக்சன் படத்திற்கு அதுவும் ஏ சான்றிதழ் பெற்ற ஒரு படத்திற்கு கேரள சபாநாயகர் முதல் டிக்கெட்டை பெற்றிருப்பது அழகல்ல என்று பலரும் சபாநாயகரின் இந்த செயலை விமர்சித்து வருகின்றனர்.

• 
  பாலிவுட் இசை அமைப்பாளர் மீது பெங்காலி பாடகி பாலியல் புகார்
• 
  வருண் தவானுக்கு ஜோடியாகும் பூஜா ஹெக்டே
• 
  மும்பையில் பரோஸ் டிரைலர் வெளியீடு : சிறப்பு விருந்தினராக பங்கேற்ற அக்ஷய் ...
• 
  துல்கர் சல்மான், விஜய் தேவரகொண்டாவுடன் பாடகி ஜஸ்லீன் ராயல்
• 
  தமன்னா பட நடிகர் கடத்தப்பட்டு 12 மணி நேரம் சித்ரவதை ; சாமர்த்தியமாக ...

• 
  ஆபரேஷன் நாடகத்தை முடிவுக்கு கொண்டு வந்த நடிகர் தர்ஷன்
• 
  கண்ணப்பாவில் மோகன்லாலின் கிராதா தோற்றம் வெளியானது
• 
  மோகன்லாலை இயக்கும் ஆவேசம் பட இயக்குனர்
• 
  யார் கல்லெறிந்தாலும் கவலை இல்லை, கடவுள் எனக்கு பேசுவதற்கு ஒரு வாய்ப்பு ...
• 
  கூண்டோடு விலகிய நடிகர் சங்க நிர்வாகிகளை அழைத்து மெகா நிகழ்ச்சி நடத்தும் ...