Dinamalar

சுரேஷ் கோபியின் மகளுக்கு திருமண நிச்சயதார்த்தம் : தொழிலதிபரை மணக்கிறார்

மலையாள திரையுலகில் மோகன்லால், மம்முட்டிக்கு இணையான நடிகராக வலம் வந்தவர் சுரேஷ் கோபி. ஆக்ஷன் படங்களில் அதிகம் கவனம் செலுத்தி தனக்கென தனி ரசிகர்களை பெற்ற இவர் ஒரு கட்டத்தில் அரசியலிலும் கால் வைத்தார். அதனால் சினிமாவில் ஒரு சிறிய இடைவெளி விழுந்தது. இதைத் தொடர்ந்து தற்போது மீண்டும் படங்களை பிஸியாக நடித்து வருகிறார். இவரது வாரிசுகளை பொருத்தவரை இரண்டு மகன்களில் மூத்தவரான கோகுல் சுரேஷ் தற்போது மலையாளத்தில் கதாநாயகனாகவும் முக்கியமான கதாபாத்திரங்களிலும் நடித்து வருகிறார். இளைய மகன் நடிப்பதற்கு தயாராகி வருகிறார்.

இரண்டு மகள்களில் மூத்தவரான பாக்யாவுக்கு தற்போது திருமண நிச்சயதார்த்தம் நடைபெற்றுள்ளது. மாவேலிக்கரையை சேர்ந்த தொழிலதிபர் ஸ்ரேயாஸ் மோகன் என்பவரை திருமணம் செய்ய இருக்கிறார் பாக்யா. இவர்களின் திருமண நிச்சயதார்த்தம் திருவனந்தபுரத்தில் உள்ள சுரேஷ் கோபியின் இல்லத்தில் நடைபெற்றது. திருமணம் வரும் ஜனவரி 17ஆம் தேதி நடைபெற இருக்கிறது. அதை தொடர்ந்து ஜனவரி 20ல் மிகப்பெரிய அளவில் வரவேற்பு நிகழ்ச்சியையும் நடத்த இருக்கிறார் சுரேஷ் கோபி. பாக்யா சமீபத்தில் தான் கொலம்பியா பல்கலைக்கழகத்தில் தனது கல்லூரி படிப்பை முடித்து பட்டம் பெற்றார் என்பது குறிப்பிடத்தக்கது.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  கலாபவன் மணியின் கனவை நனவாக்கிய மகள்
• 
  பேட்ரியாட் படத்தை திரையிடுவதில் கேரள திரையரங்குகள் திடீர் போர்க்கொடி
• 
  மீண்டும் சிரஞ்சீவி படத்திற்கு இசையமைக்கும் தமன்!
• 
  கேரள அரசு சினிமா ஸ்டுடியோ திறப்பு விழாவை புறக்கணித்த மலையாள திரைப்பட ...
• 
  துபாயில் சிக்கி தவிக்கும் அண்ணன்; ஹைதராபாத்தில் 3வது திருமண விழா நிகழ்வை ...