தம்பியின் படம் பார்த்துவிட்டு சந்தோஷத்தில் அழுத விஜய் தேவரகொண்டா

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

15 ஜூலை, 2023 - 11:47 IST

எழுத்தின் அளவு:

தெலுங்கு திரையுலகின் இளம் முன்னணி நடிகரான விஜய் தேவரகொண்டா தெலுங்கு மட்டுமல்லாது தென்னிந்திய அளவிலும் மிகப்பெரிய ரசிகர் வட்டத்தை பெற்றவர். அந்த வகையில் அவரது தம்பி ஆனந்த் தேவரகொண்டாவும் கடந்த 2019ல் தொரசாணி என்கிற படத்தில் மூலம் கதாநாயகனாக அறிமுகமானார். கிட்டத்தட்ட நான்கு படங்களில் நடித்தும் விட்டார். இந்த நிலையில் நேற்று ஆனந்த் தேவரகொண்டா நடித்துள்ள பேபி என்கிற திரைப்படம் வெளியானது. இந்த படத்திற்கு பாசிட்டிவான விமர்சனங்கள் கிடைத்து வருகின்றன.

அதற்கு முன்னதாக இந்த படத்தின் பிரீமியர் காட்சி திரையிடப்பட்ட போது நடிகர் விஜய் தேவரகொண்டா மற்றும் ராஷ்மிகா மந்தனா உள்ளிட்ட பல பிரபலங்கள் இந்த படத்தை பார்த்து ரசித்தனர். படம் முடிந்து வெளியே வந்ததும் தம்பி ஆனந்த் தேவரகொண்டா மற்றும் படத்தின் நாயகி வைஷ்ணவி இருவரையும் தோளோடு தோள் சேர்த்து இறுக்கி அணைத்து தனது மகிழ்ச்சியை வெளிப்படுத்தினார் விஜய் தேவரகொண்டா.

மேலும் இது குறித்து அவர் வெளியிட்டுள்ள பதிவில், படம் பார்த்துவிட்டு பல இடங்களில் தான் அழுததாகவும் கூறியுள்ளார். அதற்கு பிறகான சிரிப்பும் சந்தோஷமும் தான் இது என்று கூறியுள்ள விஜய் தேவரகொண்டா, தனது தம்பியும் படத்தின் நாயகி வைஷ்ணவியும் இந்த படத்திற்காக மிகப்பெரிய அளவில் தங்களை ஈடுபடுத்திக் கொண்டுள்ளார்கள்.. மிகப்பெரிய அளவில் தாக்கத்தை ஏற்படுத்தி உள்ளார்கள் என்றும் பாராட்டி உள்ளார்.

Vijaydevarakonda

Ananddevarakonda

கருத்துகள் (0) கருத்தைப் பதிவு செய்ய

விம்பிள்டன் அரை இறுதிப்போட்டியை ...

பொங்கலுக்கு வெளியாகும் விஜய் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய