Dinamalar

நீதிமன்றத்தில் நேரில் ஆஜராகி ஆதாரங்களை சமர்ப்பித்த நிவின்பாலி

மலையாள இளம் முன்னணி நடிகர் நிவின்பாலியை வைத்து கடந்த இரண்டு வருடங்களுக்கு முன்பு வெளியான 'மகாவீர்யர்' என்கிற படத்தை தயாரித்த தயாரிப்பாளர் ஷாம்னாஸ் என்பவர், நிவின்பாலி மற்றும் மகாவீர்யர் பட இயக்குனர் அப்ரிட் ஷைன் இருவரும் தன்னிடம் 1.9 கோடி ரூபாய் மோசடி செய்து விட்டதாக போலீசில் புகார் அளித்துள்ளார்.

'1983, ஆக்சன் ஹீரோ பைஜூ' படங்களை தொடர்ந்து நிவின்பாலி, இயக்குனர் அப்ரிட் ஷைன் கூட்டணி மகாவீர்யர் படத்தில் இணைந்தனர். இந்த படம் தோல்வி படமாக அமைந்தது. இந்த படத்தில் நிவின்பாலியும் ஒரு தயாரிப்பாளராக இருந்ததால் ஷாம்னாஸுக்கு நஷ்ட ஈடு இழப்பாக 95 லட்சம் தருவதாகவும் அடுத்து தானும் இயக்குனர் அப்ரிட் ஷைனும் இணைந்து உருவாக்கும் 'ஆக்சன் ஹீரோ பைஜூ' படத்தின் இரண்டாம் பாகத்தில் அவரையும் ஒரு தயாரிப்பாளராக இணைத்துக் கொள்வதாகவும் உறுதி அளித்திருந்தார்.

அதை நம்பி அந்த இரண்டாம் பாகத்திற்கு 1.9 கோடி வரை பணத்தை செலவு செய்தாராம் ஷாம்னாஸ். அதுவரை நிவின்பாலியின் தயாரிப்பு நிறுவனமிடம் இருந்த அனைத்து பணிகளையும் தனது தயாரிப்பு நிறுவனத்தின் மூலம் மேற்கொண்டு வந்தார். ஆனால் அதன்பின்னர் தான் அதற்கு முந்தைய ஒப்பந்தத்தின் படியே இந்த இரண்டாம் பாகத்திற்கான வெளிநாட்டு உரிமையை ஒருவரிடம் 5 கோடி விலை பேசி இரண்டு கோடி ரூபாய் முன்பணமும் வாங்கிவிட்டதாக ஷாம்னாஸுக்கு தெரிய வந்தது. இதனை தொடர்ந்து தான் அவர்கள் மீது புகார் அளித்துள்ளார் தயாரிப்பாளர் ஷாம்னாஸ்.

அதேசமயம் நிவின்பாலியும் தயாரிப்பாளர் ஷாம்னாஸ் மீது 'ஆக்சன் ஹீரோ பிஜூ 2' படத்தின் டைட்டிலை தன் வசம் வைத்துக் கொள்வதற்காக போலி கையெழுத்து மூலமாக முறைகேடாக செயல்பட்டுள்ளார் என்று அவர் மீது வழக்கு தொடர்ந்தார். இதனால் நீதிமன்றம் அவரை ஆதாரங்களுடன் நேரில் ஆஜராகும்படி சம்மன் அனுப்பியிருந்தது. இதனைத் தொடர்ந்து வைக்கம் முதன்மை நீதிமன்றத்தில் நேற்று மாலை நேரில் ஆஜரான நிவின்பாலி தன்னிடம் இருந்த ஆதாரங்களை நீதிமன்றத்தில் சமர்ப்பித்தார்.

• செய்திகள்
• ஆல்பம்
• வந்த படங்கள்

• 
  விஜய் பட இயக்குனர் உடன் இணையும் சல்மான்
• 
  பிரபல பாலிவுட் இயக்குனரின் வாழ்க்கை வரலாறு படத்தில் நடிக்கும் தமன்னா
• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...

• 
  குறும்புக்கார குழந்தை : விநாயகனை நெகிழ வைத்த மம்முட்டி
• 
  ரிலீசுக்கு முன்பே 350 கோடி முன் வியாபாரத்தை முடித்த 'திரிஷ்யம் 3'
• 
  ராம்சரண் படத்தின் சண்டைக் காட்சியை படமாக்கும் பாலிவுட் ஹீரோவின் தந்தை
• 
  என் மகனை திரையுலகிலிருந்து ஒதுக்க சதி ; பிரித்விராஜின் தாயார் பகீர் ...
• 
  500 நடன கலைஞர்களுடன் நடைபெற்று வரும் சிரஞ்சீவி, வெங்கடேஷ் பாடல் ...