Dinamalar

‛பார்டர் 2'வில் தில்ஜித் தோசன்ஜ் முதல் பார்வை வெளியீடு

1997ல் ஹிந்தியில் ஜேபி தத்தா இயக்கத்தில் சன்னி தியோல், ஜாக்கி ஷெராப், சுனில் ஷெட்டி உள்ளிட்டோர் நடிப்பில் வெளியான வெற்றி படம் ‛பார்டர்'. 28 ஆண்டுகளுக்கு பின் இதன் இரண்டாம் பாகம் தற்போது ‛பார்டர் 2' என்ற பெயரில் தயாராகி வருகிறது. அனுராக் சிங் இயக்குகிறார். முதல் பாகத்தில் நடித்த சன்னி தியோல் இதிலும் முதன்மை வேடத்தில் நடிக்கிறார். இவருடன் வருண் தவான், தில்ஜித் தோசன்ஜ், அஹான் ஷெட்டி, சோனம் பஜ்வா உள்ளிட்டோர் நடிக்கின்றனர்.

இந்த படத்தில் நடிக்கும் நடிகர்களின் முதல் பார்வை போஸ்டரை வெளியிட்டு வருகின்றனர். அந்தவகையில் தற்போது தில்ஜித் தோசன்ஜ் போஸ்டரை வெளியிட்டுள்ளனர். போர்க்கள பின்னணியில் ஒரு போர் விமானத்தில் அமர்ந்திருக்கும் தில்ஜித், அசைக்க முடியாத தைரியத்துடனும், துல்லியத்துடனும் தேசத்தை பாதுகாக்கும் ஒரு இந்திய விமானப்படை அதிகாரியாக, கடுமையான தோற்றத்துடன் காணப்படுகிறார். அதோடு அவரின் தேசபக்தியும் படத்தின் போஸ்டரில் வெளிப்படுகிறது.

இந்திய விமானப்படை மற்றும் வான்வழி நடவடிக்கை மற்றும் நிலத்திற்கு அப்பால் பரவும் வீரத்தின் கதையை உறுதியளிக்கிறது. தற்போது படப்பிடிப்பு முடிந்து இறுதிக்கட்ட பணிகள் நடக்கின்றன. குடியரசு தினத்தை முன்னிட்டு வரும், 2026, ஜன., 23ம் தேதி படம் ரிலீஸாகிறது.

• 
  சிறிய படங்களை கண்டு கொள்ளாத ஓடிடி நிறுவனங்கள் : வசந்தபாலன் காட்டம்
• 
  பாலிவுட்டில் பரவும் தனுஷ், மிருணாள் தாகூர் திருமணத் தகவல்
• 
  கமலை சந்தித்து ஆசி வாங்கிய ஊர்வசியின் மகள்
• 
  மரகத நாணயம் 2 படத்தில் பிரியா பவானி சங்கர்
• 
  விஜய் படம் எப்ப ரிலீஸ் : அஜித் படம் அறிவிப்பு எப்ப வரும்

• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு
• 
  26 வருடங்களுக்குப் பிறகு மீண்டும் பிரியதர்ஷன் டைரக்ஷனில் நடிக்கும் தபு
• 
  பைரசியில் இருந்து அமீர்கான் படத்தை பாதுகாக்க சென்னை உயர்நீதிமன்றம் ...
• 
  சச்சினுடன் விரலால் கிரிக்கெட் விளையாடிய அமிதாப் பச்சன்
• 
  வித்யூத் ஜம்வால் நிர்வாண போஸ்