மீண்டும் ரோஷன் ஆண்ட்ரூஸ் உடன் இணைந்த நிவின்பாலி

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

15 ஏப், 2022 - 05:33 IST

எழுத்தின் அளவு:

மலையாளத்தில் முன்னணி இயக்குநர்களில் ஒருவராக வலம் வருபவர் இயக்குனர் ரோஷன் ஆண்ட்ரூஸ். 'ஹவ் ஓல்டு ஆர் யூ' படத்தின் மூலம் மலையாளத்தில் மஞ்சு வாரியரையும் அதன் தமிழ் ரீமேக்கான 36 வயதினிலே படம் மூலம் ஜோதிகாவையும் திரையுலகில் வெற்றிகரமாக ரீ-என்ட்ரி கொடுக்க வைத்தவர்.. துல்கர் சல்மானை வைத்து இவர் இயக்கிய சல்யூட் என்கிற திரைப்படம் கடந்த மாதம் ஓடிடி தளத்தில் வெளியானது. இதை அடுத்து தனது அடுத்த படத்தை துவக்கியுள்ளார் ரோஷன் ஆண்ட்ரூஸ்.

இந்த படத்தில் நிவின்பாலி கதாநாயகனாக நடிக்கிறார் கடந்த சில வருடங்களுக்கு முன்பு வரலாற்று திரைப்படமான உருவான காயங்குளம் கொச்சுண்ணி என்கிற படத்தில் ரோஷன் ஆண்ட்ரூஸ் இயக்கத்தில் நிவின்பாலி கதாநாயகனாக நடித்தார். மோகன்லாலும் சிறப்பு வேடத்தில் நடித்திருந்த அந்த படம் 100 கோடி வசூல் செய்து மிகப்பெரிய வெற்றியை பெற்றது.

இந்த நிலையில் இரண்டாவது முறையாக இவர்கள் இருவரும் இந்த புதிய படத்திற்காக இணைந்துள்ளனர். இந்த படத்தின் துவக்க விழா பூஜை கொட்டாரக்கரா ஸ்ரீ மஹாகணபதி கோவிலில் நடைபெற்றது. இதையடுத்து வரும் ஏப்ரல் 20 முதல் இந்த படத்தின் படப்பிடிப்பு துவங்கி துபாய், மைசூர் மற்றும் பெங்களூரு ஆகிய பகுதிகளில் நடைபெற இருக்கிறது.

Nivinpauly

Roshanandrews

கருத்துகள் (0) கருத்தைப் பதிவு செய்ய

ஆதிவாசி குழந்தைகளை படிக்க வைக்கும் ...

நடிகை பலாத்கார வழக்கு : 11 ஆயிரம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய