Dinamalar

எல்ஜிஎம் பட இசையை வெளியிட்ட தோனி

இந்தியாவே கொண்டாடும் ஒரு கிரிக்கெட் வீரர் மகேந்திர சிங் தோனி. சர்வதேச போட்டிகளில் ஓய்வு பெற்றுவிட்டாலும் பிரிமியர் லீக் கிரிக்கெட் போட்டியில் சென்னை அணிக்காக பல ஆண்டுகளாக விளையாடி வருகிறார். சென்னை ரசிகர்களால் ‛தல' என கொண்டாடப்படும் இவர் தற்போது தோனி என்டர்டெயின்ட்மென்ட் என்ற பெயரில் தயாரிப்பு நிறுவனம் துவங்கி முதல் படமாக தமிழில் ‛எல்ஜிஎம்' (லெட்ஸ் கெட் மேரீட்) என்ற படத்தை தனது மனைவி சாக்ஷி பெயரில் தயாரித்துள்ளார்.

ஹரிஷ் கல்யாண், இவானா, நதியா, யோகிபாபு ஆகியோர் முதன்மை வேடத்தில் நடித்துள்ளனர். ரமேஷ் தமிழ்மணி இயக்கி உள்ளார். காதல் பின்னணியில் தாய் பாசத்தையும் கலந்து இந்தபடம் தயாராகி உள்ளது. படப்பிடிப்பு முடிந்து மற்ற பணிகள் நடந்து வருகின்றன. இந்நிலையில் சென்னையில் இன்று(ஜூலை 10) இசை வெளியீட்டு விழா நடந்தது. இதில் தோனி, சாக்ஷி உள்ளிட்டவர்களுடன் படக்குழுவினரும் பங்கேற்றனர். எல்ஜிஎம் இசை தட்டை தோனி வெளியிட்டார். முன்னதாக இந்த விழாவிற்காக சென்னை வந்த தோனிக்கு விமான நிலையத்தில் ரசிகர்கள் உற்சாக வரவேற்பு கொடுத்தனர்.

விழாவில் பேசிய யோகிபாபு : ‛‛தோனி தமிழ் படம் பண்ணியது பெரிய விஷயம். 7 நாட்கள் இயக்குனர் கால்ஷீட் கேட்டார். எனக்கு அவர் மேல் நம்பிக்கை இல்லை. புத்தகம் ஒன்றை காட்டியபோது தான் அவரை நம்பினேன். இருந்தாலும் கால்ஷீட் பிரச்னை இருந்தது. தோனியிடமிருந்து பேட் வாங்கி தரேன் என்று சொன்னார். உடனே சரி என டேட் கொடுத்தேன். நதியா மிகவும் யதார்த்தமான நபர். ஹரிஷ், இவானா உடன் நடித்தது சிறந்த அனுபவம். இவானாவை நிறைய கலாய்பேன். ஆனால் அந்த பொண்ணு ஒன்னுமே பேசாது. தோனியின் ஹெலிகாப்டர் ஷார்ட் போல வேகமாக படத்தை முடித்தார் இயக்குனர். அடுத்த கால்ஷீட்டில் அவருக்கு நான் பரிசு கொடுப்பேன்'' என்றார்.

நடிகை இவானா கூறுகையில், ‛‛தோனி தமிழ் படம் பண்ணியதால் எங்களுக்கு இந்த வாய்ப்பு கிடைத்தது மகிழ்ச்சி. அதிகமான பயத்தில் இருக்கேன். தோனி மிகவும் எளிமையான மனிதர். அவர் பேச முயன்றாலும் என்னால் பேச முடியவில்லை. அவ்வளோ பயமாக உள்ளது. அவர் படத்தில் நடித்தது எனது அதிர்ஷ்டம். சாக்ஷி இனிமையான பெண். இன்ஸ்டாவில் அவர் என்னை பின் தொடருவது இன்ப அதிர்ச்சியாக இருந்தது'' என்றார்.

• 
  பய்யா ஜி: மனோஜ் பாஜ்பாயின் 100வது படம்
• 
  சல்மான்கானுக்கு ஜோடியாகும் ராஷ்மிகா மந்தனா
• 
  தீபிகா படுகோனேவை பிரிகிறாரா ரன்வீர் சிங் : பாலிவுட்டில் பரபரப்பு
• 
  அமிதாப் பச்சனுக்கு அடுத்து எனக்கு தான் : கங்கனா பெருமிதம்
• 
  ‛டிராவல் ஏஜென்ட்' படத்தை துவக்கி வைத்து ஹீரோவை அறிமுகம் செய்த ...

• 
  தலைமை செயலகத்தில் நுழைவதற்காக முற்றிலும் புதிதாக மாறிய ஸ்ரேயா ரெட்டி
• 
  மாரி 2 படத்துக்கு பின் தமிழில் நடிக்காதது ஏன் ? - டொவினோ தாமஸ் விளக்கம்
• 
  'ராமாயணா' படத்திற்கு புதிய சர்ச்சை
• 
  2024ன் முதல் வசூல் படமாக 'அரண்மனை 4'
• 
  அஸ்வினியின் 'கங்கணம்'